Breaking News
a view of the tomb of Marcus Venerius Secundio located in the necropolis of Porta Sarno east of Pompeii (Alfio Giannotti/Pompeii Archeological Park via AP) POM103

ኣብ ፖምፔይ: ዕሙር ባህላዊ ህይወት ምንባሩ ዘርኢ ምስክር ተረኺቡ

ኣብ ዓመተ 1979 ብባህርያዊ ሓደጋ ካብ ገጽ ምድሪ: ዝጠፍአት ከተማ ፖምፔይ: ዕሙር ባህላዊ ህይወት ከም ዝነበራ ዝምስክር መቓብር ከም እተረኽበ ተገሊጹ።

እዚ ብጽቡቕ ከም እተዓቀበ ዝንገረሉ መቓብር: ኣብ ዕድመ 60ታት ናይ ዝነበረ ሰብኣይ ዓስከሬን ከም እተረኽቦን ስም መዋታይ ድማ ማርኩስ ቫነሬስ ሰኩንድዮ: ምንባሩ ዘመልክት ብቋንቋ ግሪኽ ዝተጻሕፈ ጽሑፍ ከም እተረኽበ ተሓቢሩ። እዚ ሰብኣይ ፍሉጥ ናይ መድረኽ ተዋሳኣይ ምንባሩ እውን ተፈሊጡ። በዚ ድማ ኣብ ፖምፔ: ብዘይካ ቋንቋ ላቲን: ቋንቋ ግሪኽ ይዝረብ ምንባሩ ብዘየወላውል ክረጋገጽ ከም እተኻእለ እቶም ተመራመርቲ ስነ ጥንቲ ወሲኾም ገሊጾም።

ጥንታዊት ፖምፔይ: ተዋስኦታት ግሪኽ ተአንግድ ምንባራ ሓደ መርኣያ ዕሙር ባህላዊ ድባብ እቲ ግዜ እዩ ክብል መራሒ ናይቲ ኣርኪዮሎጂያዊ ዳህሳስ: ገብርኤል ዛክትሪጌል: ን NBC ሓቢሩ።

ፖምፔይ: ኢጣልያዊት ከተማ ኮይና: ካብ ኔፕልስ 20 ኪ.ሜ ርሒቓ እትርከብ ጥንታዊት ከተማ እያ። ካብ እምባ ቨስቭዬስ (Mount Vesuvius) ዝነቐለ እሳተ ጎመራ ከጥፍኣ እንከሎ ተቐማጦ እታ ከተማ 13 ሽሕ ይበጽሑ ምንባሮም ሰነዳት ታሪኽ የመልክቱ።