ግጥማት ቻምፒዮን ኤውረጳ ናይ ዙርያ ግጥሙ ዛዚሙ

ቻምፒዮን ሊግ ኤውረጳ ትማሊ ሮቡዕ ኣብ ዝተሰላሰለ ናይ መወዳእታ ጸወታ  ናይ ዙርያ ግጥሙ ብምዝዛም ናብ ግጥም 16 ኣውድቕካ ምሕለፍ ሰጊሩ። በዚ መሰረት 16 ክለባት ኣብዝመጽእ ሰኑይ ዝኻየድ ዕጫ ኣውዲቅኻ ምሕላፍ ሰጊረን ኣለዋ። ኣብ ዙር 16 ኣውዲቕካ ምሕላፍ ቻምፒዮን ሊግ እዚ ዝስዕብ ይክተል

1. ቀዳመይቲ ኮይና ካብ ምድባ ዝዛዘመት ክለብ ምስ ካልኣይቲ ኮይና ዝወድኤት ብምምዳብ ካልኣይ እግሪ ጸወታ ኣብ ሜድኣ ትጻወት
2. ክልተ ደቂ ሓንቲ ሃገር ዝኾና ክለባት ኣይራኸባን ወይ ኣይጻወታን
3. ኣብ ሓደ ምድብ ዝነበራ ጋንታታት ውን ኣይራኸባን

በዚ መሰረት 4 ክለባት ኢንግሊዝ፣ 3 ክለባት ስጳኛን ጀርመንን፣  2 ክልተ ክለባት ጥልያንን ፈረንሳን፣ ዝተረፋ ክለባት ድማ ፓርቶ ካብ ፓርትጋል ኣያክስ ካብ ሆላንድ ብሙኻን ኣብ ዝቕጽል ብ ናይ ክልተ እግሪ ጸወታ ክራኸባ እየን።