ጳጳሳት ካቶሊክ ደቡብ ሱዳን፡ ትግባረ እተመሓየሸ ስምምዕ ሰላም፡ ብምብርዓኑ ቅሬታኦም ገሊጾም

እዚ ስምምዕ ሰላም ቅድሚ ሰለስተ ዓመታት ዝተኸተመ ኮይኑ ነቲ ንሓሙሽተ ዓመታት ዝቐጸለ ግርጭት እታ ሃገር ክፈትሕ እዩ ዝብል ተስፋ ኣሕዲሩ ምንባሩ እቶም ጳጳሳት ብምረት ገሊጾም ።

ቀንዲ ምኽንያት ናይዚ ግርጭት ተፈሊቱ፡ ክፍታሕ ክኽእል ኣለዎ፡ ክብሉ እዞም ጳጳሳት ብሊቃነ ጳጳሳት ጁባ፡ ስቴፈን ማርቲን፡ እተኸተመ ደብዳቤኦም ልኢኾም ኣለዉ።

መራሕቲ ደቡብ ሱዳን ልባቶም ክልውጡን ንህዝቦም ነጻነት ከይከልኡን ድማ ተማሕጺኖም ኣለዉ። ኣብ ሃገርና፡ ዝነበረ ሲቪላዊ ናጽነት እናተሸምረረ እዩ ዝመጽእ ዘሎ። ኲሎም ድምጺታት መታን ክስምዑ፡ ናይ ምእካብ፥ ናይ ነጻ ፕረስን ምዝራብን ናጽነት ክኽበር ይግብኦ ክብሉ እቶም ጳጳሳት ብኣጽንኦት ኣተሓሳሲቦም ኣለዉ።

ኣብዚ ኣኼባ፡ ኣምባሳደር ቫቲካን ኣብ ደቡብ ሱዳንን ኬንያን፡ በርት ቫን ሜጋን፡ ከምኡውን ሳልቫ ኬርን ማቻርን ከም እተሳተፍዎ ተፈሊጡ።