Sunday , June 16 2024
Zambian President elect Hakainde Hichilema (AP Photo/Tsvangirayi Mukwazhi) XTM111

ፕረዚደንት ዛምቢያ፡ ባዶ ካዝና ይወርስ

ሓድሽ ፕረዚደንት ዛምቢያ፡ ሂሺለማ፡ ሃብቲ እታ ሃገር ስለ ዝተራሰየ ባዶ ካዝና ከም ዝወረሰ ን BBC ሓቢሩ።

ዝሓለፈ ወርሒ ኣብ ዝተገብረ ፕረዚደንታዊ ምርጫ ንመወዳድርቱ ኤድጋር ሉንጉ ዝሰዓረ ሂሺለማ ፡ ሰባት፡ ኣብ ኣፋን ዕርበታን፡ ዘይሕጋዊ ምዝውዋር ገንዘብ ከካይዱ ይፍትኑ ምህላዎም ኣመልኪቱ። ንሱ፡ ብስም እከለ እከለ ኢሉ ኣይጠቐሰን።

እንተኾነ፡ ሚኒስተር ሉንጉ፡ ዝኾነ ዘይሕጋዊ ተግባራት ከም ዘይፈጸመ ክገልጽ ጸኒሑ’ሎ። ሚኒስተር ሉንጉ፡ ካብ 2015 ኣትሒዙ ነዛ ብማዕድን ኣስራዚ ዝሃብተመት ሃገረ ዛምቢያ መሪሑ እዩ። ኣብ ምርጫ ምስ ተሳዕረ ስልጣን ናብ ሂሽለማ ብዘይ ዕግርግር ክሰግር ብምግባሩ ናእዳ ምጥራዩ እውን ዝዝከር እዩ።

ሂሺለማ ናብ ስልጣን እንተመጺኡ ካብ ዝቃለሶም ነገራት፡ ሓደ፡ ብልሽውና ምዃኑ ክገልጽ ጸኒሑ እዩ። ብዘይካ’ዚ፡ እታ ሃገር ዘለዋ ገዚፍ ናይ ወጻኢ ዕዳን ፋይናንሳዊ ቅልውላውን ከመዓራሪ ምዃኑ ቃል ኣትዩ’ሎ።


Social Media Auto Publish Powered By : XYZScripts.com