ሰራዊት ሩዋንዳ: ኣብ ሞዛምቢክ: ዓሰርተታት ጂሃዳውያን ቀቲሎም

ዕጡቓት ግብረ ሽበራውያን ንምዕጋት ናብ ሞዛምቢክ ዝወፈረ ሰራዊት ሩዋንዳ: 30 ዕጡቃት ከም ዝቐትለ ቢቢሲ ሓቢራ።

ሰራዊት ሩዋንዳ: ኣብ ሰሜናዊት ከተማ ፓልማ: ኮለላን ዳህሳስን እናካየዱ ምስቶም ዕጡቓት ከም እተታኾሱን እዚ ከም ዘጋጠመን እቲ ጸብጻብ ወሲኹ ኣመልኪቱ።

ናብ ሞዛምቢክ 1000 ወተሃደራት ሩዋንዳ ከም እተዋፈሩ ዝፍለጥ እዩ።

ኣባላት ቀጽሪ ደቡባዊ ዞን ኣፍሪቃ: ሰራዊተን ናብ ሞዛምቢክ ኣዋፊረን ምህላወን ዝገለጸ እቲ ሓበሬታ: ፖርቱጋል እውን ሰራዊት እታ ሃገር ኣብ ምስልጣን ከም እትርከብ ወሲኹ ኣረዲኡ።

ኣብዚ ራብዓይ ዓመቱ ሒዙ ዘሎ ግጭት ሞዛምቢክ: ክሳብ 800 ሽሕ ሰባት ተፈናቒሎም ምህላዎም ጸብጻባት የመልክቱ።