ቅድሚ ሕጂ ተራእያ ዘይትፍለጥ ቅብኣ ቫን ጎኽ ብጨረታ 11 ሚልዮን ፓውንድ ተሸይጣ

ብ ቫን ጎኽ እተሳእለት ጎደናታት ፓሪስ ዘርእስታ ቅብኣ ኣብ ሓደ ቤት ንሚእቲ ዓመት ተሓቢኣ ድሕሪ፡ምጽናሕ ብሓሙስ ኣብ ዝተገብረ ጨረታ 11 ሚልዮን ፓውንድ (ልዕሊ 13 ሚልዮን ዩሮ) ከም እተሸጠት ተገሊጹ።

ኣብ ፈረንሳ ዛጊት ካብ እተኻየዱ ጨረታ ቅብኣታት ሆላንድ እታ ብዝበዝሐ ዋጋ እተሸጠት ከም ዝገብራ ድማ ተፈሊጡ። እዛ ብ 1887 ከም እተቐብአት ዝንገረላ ስእሊ ንልዕሊ ሚእቲ ዓመት ኣብ መንደቕ ሓንቲ ፈረንሳዊት ስድራቤት እያ ጸኒሓ።

ቫን ጎኽ ምስ ሓዉ ኣብ ፓሪስ ምብጻሕ ይፍጽሙሉ ኣብ ዝነበሩ እዋን ብዙሓት ጎደናታትን ህንጻታትን ፓሪስ ይቐብእ ምንባሩ ይፍለጥ።

“እቲ ዘሐጒስ ተሓቢኣ ዝነበረት ቅብኣ ቫን ጎኽ ምርካብና እዩ። ብሕታዊ እካብ ብምዃኑ ወነንቱን ብጾቶምን ጥራይ እዮም ክፈልጡ ዝኽእሉ ኔሮም” ክብል ክኢላ ቅብኣታት ቫን ጎኽ ማርቲን ቤይሊ ን ቢቢሲ ገሊጹ።