በዓል መዚ ሜትሮሎጂ፡ ቀዳማይ ደረጃ መጠንቀቕታ የመሓላልፍ

ሎሚ ኣብ እዋን ቀትሪ፡ ኣብ ብዙሕ ቦታታት ሽወደን፡ ውርጪ ዝተሓወሶ ሓያል ህቦብላ ክነፍስ ተኽእሎታት ከምዘሎ ካብ በዓል መዚ ሜትሮሎጂ ሽወደን መጠንቀቕታ ምምሕልላፉ ማዕከን ዜና ተተ ኣቃሊሑ።

እቲ ህቦብላ፡ ኣብ ስሜናዊ ክፋል ሽወደን፡ ኣብ ኖርቡተን ዝርከብ ሂንተርላንድ፡ ኣብ ገማግም ዝርከባ ወረዳታት ናይ ምምሕዳራት ቬስተርቦተንን ቬስተርኖርላንድን ኣብ ደቡባዊ ክፋል ሽወደን ድማ፡ ኣብ ከባቢ ኦረብሮ፡ ኦስተርጎትላንድ፡ ሰሜን ቬስተርጎትላንድ፡ ቦሁስላንን ዮተቦሪን ክነፍስ ትጽቢት ይግበር።

ጽባሕ ቀዳም ግን ብተዛማዲ ዝሓሸ ኩነታት ኣየር ክህሉ ምዃኑን ኣብ ደቡባዊ ክፋል’ታ ሃገር፡ ካብ 5⁰c ክሳብ 10⁰c፡ ኣብ ሰሜን ድማ ካብ 0⁰c ክሳብ 5⁰c ክኽውን ትጽቢት ይግበር።