ሕግን ሕብረተሰብን

ኣብ ሽወደን ኣባላት ናይቲ LGBTQ ተባሂሉ ዝጽዋዕ ጾታዊ ምርጫ ዝኾኑ ግረሰዶማውያን መንእሰያት ኣብተን ኣዝዩ ጽንኲር መዐቀኒታት ”ክብሪ” ዝኽተላ ስድራቤታት ርኡይ ሓደጋታት ከምዘጋጥሞም ሓድሽ ጸብጻብ ኣመልኪቱ። ገለ ካብዚ ን ግብረሰዶማውያን ኣጋጢምዎም ዝበሃል ሽግራት ብሳይንስ ዝተነጽገ ግዱድ መስርሕ ፍወሳ፡ ወይ’ውን ካብ ግብረሰዶም ንምእላይ ዝዓለመ ሃይማኖታዊ ስርዓታት ክኽተሉ ምግዳድ ዘጠቓልል እዩ። “ብዙሓት ሕቡእ ናይ ግብረሰዶም ህይወት ከሕልፉ እዮም ዝመርጹ፣ ብዙሓት ካብቶም ዝራኸብናዮም ሰባት …

ንፍቓድ ስራሕ ተባሂሉ ዝወጸ ዝተሓተ ደረት ደሞዝ ወሰኽ ኣብ ኤጀንሲ ስደተኛታት ን ዝግበር ምንጻግ ብናህሪ ከም ዝወሰኾ ተሓቢሩ። እቲ ለውጢ ኣብ ዝሓለፈ ወርሒ ሕዳር ኣብ ግብሪ ካብ ዝውዕል ንደሓር፡ እዚ ጠለብ ጽገና ምኽንያት 25% ምንጻግ ፍቓድ ስራሕ ኮይኑ ጸኒሑ’ሎ። ሓደ ወርሒ ቅድሚ እቲ ለውጢ፡ እቲ ተዛማዲ ኣሃዝ 1% ጥራይ ምንባሩ ብምዝካር እዚ ሕጊ ን ኣሃዝ ምንጻግ ፍቓድ ስራሕ ብዝተዓጻጸፈ ደረኣ …

ፊንላንድ ናብ ሩስያን ማእከላይ ኤስያን ክትገብሮ ዝጸንሐት ሰደድ ርኡይ ምንቁልቋል ከምዘርኣየ ተገሊጹ። ኣብ ውሽጢ ዝሓለፋ ክልተ ዓመታት ጥራይ እዚ ሰደድ ብ 68.9% ከምዘንቈልቈለ “ስታቲስቲክስ ኣህጉራዊ ንግድ” ዩሮስታት ይሕብር። ኣብ 2021 ፊንላንድ ብደረጃ ሕብረት ኣውሮጳ ናብዘን ዞባታት ዝነበራ ብጽሒት 3.9% እኳ እንተነበረ፡ ክሳብ 2023 ግን እዚ ኣሃዝ ናብ 1.9% ወሪዱ እዩ። እዚ ምንቁልቋል፡ ኩባንያታት ፊንላንድ ናብ ምብራቕ ዝገብርኦ ሰደድ ካብቲ ማእከላይ …

ሽወደናውያን ንጥዕናኦም ብዝጎድእ መጠን ጨው ኣብ መግቦም የህልኹ ምህላዎም ተፈሊጡ። ብምኽንያት ዘይግቡእ ሃልኪ ጨው፥ ዓመታዊ ኣስታት 8,000 ሰባት ወቕዒ ልቢ ከምዘጋጥሞም ጸብጻብ “ኤጀንሲ መግቢ ሽወደን” ኣመልኪቱ። “ጨዋም መግቢ ብብዝሒ ንበልዕ ኣሎና” ትብል ኣካያዲት ናይቲ ጸብጻብ ከምኡ’ውን ክኢላ ኣመጋግባ ኣሳ ብሩጋርድ ኮንደ። ሽወደናዋን ኣብ ዝመጽእ ዓመታት መጠን ዘህልኽዎ ጨው ብ 20% ብምንካይ ጥዕናኦም ክሕልዉ ካብ ኮንደ መጸዋዕታ ቀሪቡ’ሎ። ጨው ሶድዬም ክሎራይድ …

ዓሚ ኣብ ሽወደን ብተኸታታሊ ድሕሪ ዝተፈጸመ ምቅጻል ቁርኣን፥ ኣብ ማእከላይ ምብራቕ ዝንቀሳቐሳ ኩባንያታት ሽወደን ካብቲ ተፈሪሁ ዝነበረ ልብጥ ዝበለ ጽልዋ ከም ዝበጽሐን “ቢዝነስ ሽወደን” ሓቢሩ። “ምቅጻል ቊርኣን ይካየደሉ ኣብ ዝነበረ እዋን ኣብ ኩባንያታት ሽወደን ዝተወሰነ ኣሉታዊ ሳዕቤናት ኣንጸላልዩ እኳ እንተነበረ፡ ክንድቲ ዝፈራህናዮ ግና ኣይኮነን” ትብል ኣብ ቢዝነስ ሽወደን ምክትል ፕረዚደንት ማእከላይ ምብራቕን ኣፍሪቃን ማሃ ቡዘይድ ንኣገልግሎት ዜና ሬድዮ ሽወደን ኣብ …

  መጠንቀቕታ ካብ ፖሊስ ንወለዲ መንእሰያት ቀዋሚ መንበሪ ፍቓድ ንምውሳድ ፈተና ክጅመር

ኣብ መወዳእታ እዚ ሰሙን፡ ንወነንቲ ፍቓድ ስራሕ ዝተቐመጠ ደረት ደሞዝ ክስኽ ኣለዎዶ ኣብ ዝብል ሕቶ መንግስታዊ መርመራ ክግበር እዩ ተባሂሉ።- እዚ መርመራ ገለ ኢንዱስትሪታት ወይ ቦታታት ስራሕ ዝኾነ ሕድገታት ክግበረለን ኣለዎ እንተኾይኑ ክርኢ እዩ። ምምሕዳር ከተማ ስክለፍትዮ ብወገኑ ካብ ሕብረት ኤውሮጳ ወጻኢ ዝመጹ ሰባት ጽላት ድሕነት ንምምልማል ዘኽእሎም ፍሉይ ሕጊ ክተኣታቶ እዩ ዝብል ተስፋ ከም ዘለዎ ገሊጹ’ሎ። “ሓደ ሓደ ግዜ …

ኣገልግሎት ጸጥታ ሽወደን ሳፖ ኣብ ዝሓለፈ ዓመታት፡ ኢራን ኣብ ልዕሊ ሽወደን ክትፍጽሞ ዝሓሰበት ሓያሎ ዝተፈላለየ መጥቃዕትታት ደው ከምዘበለ ሬድዮ ኒውስ ሽወደን ሓቢራ። ዝሓለፈ ሰሉስ ኣገልግሎት ሬድዮ ሽወደን ኣብ 2021 ክልተ ኣባላት ስለያ ኢራን ንቕትለት ሽወደናውያን ኣይሁድ መደብ ኣውጺኦም ተባሂሎም ከምዝተጠርጠሩ ገሊጻ ኔራ። ብዘይካዚ ኣንጻር ሽወደን ዘቕንዑ ካልኦት ውዲታት ምፍሻሎም እታ ሬድዮ ን ሳፖ ብምጥቃስ ጸብጺባ’ላ። “እዞም ባእታታት ኣብ ሽወደን ኣብ …

ናይ ቅድሚት ኣካል ማካይን ጽዕነት ልስልስ ዝበለን ዝነውሐን ዝኸውን ብምባል ሓደ ቀዳማይ ሞዴል ኣብምድላው ከም ዝርከብ ኣብ ዮተቦሪ ኣብ ዝርከብ ዩኒቨርሲቲ ቴክኖሎጂ ቻልመርስ ገሊጹ። በዘን ክሳብ ሕጂ ዘለዋ ስርሓት ተራ መካን ምስ ናይ ጽዕነት ክጋጨዋ ከለዋ፡ እታ ተራ መኪና መብዛሕትኡ ግዜ ዝበኣስ ዕንወት ይወርዳ ጥራይ ዘይኮነ፥ ሞት ዘስዕብ እውን ና ምዃን ዕድሉ ዝለዓለ እዩ ድማ ቀታሊ ውጽኢት የስዕብ። መካይን ጽዕነት …

ተሓጋጋዚት መራሒት ሓምለዋይ ሰልፊ ማርታ ስቴነቪ ብፍቓዳ ካብ ስልጣና ወሪዳ። ካብ 18 ​​ጥሪ ጀሚሩ ኣትሒዛ ብሕማም ዕረፍቲ ወሲዳ ዝጸንሐት ስቴነቪ፡ ሎሚ ምስ ኣፍቶንብላዴት ኣብ ዝገበሮ ቃለ መሕትት እያ ነዚ ሓድሽ ክስተት ኣዊጃ ዘላ። “እቲ ስራሕ ብዝበለጸ ክሰርሖ እኽእል እየ ዝብል እምነት ስለዝነበረኒ ደፊአሉ ኔረ፡ ሕጂ ግን ከምኡ ዝብል እምነት የብለይን” ክትብል” ትብል ነታ ጋዜጣ ኣብ ዝሃበቶ ቃለመሕትት ገሊጻ’ላ።