ሕግን ሕብረተሰብን

ኣብ ወርሒ ሕዳር ናይ ዝሓለፈ ዓመት ንፍቓድ ስራሕ ዝድለ መጠን ደሞዝ ክብ ከም ዝብል ድሕሪ ምግባሩ፡ ክሪስነንዱ ማሃልደርን ፖሊ ሳርከርን ምስ ጓል ክልተ ዓመት ጓሎም ካብ ሽወደን ክወጹ ከይግደዱ ብርቱዕ ስግኣት ስለዝሓደሮም፥ ብሽነኽ ሰሜን 800 ኪሎ ሜተር ርሒቓ ኣብ ስከለፍተዮ ስራሕ ብምንዳይ መፍትሒ ምርካቦም ይገልጹ፡፡ በዚ ድማ እዛ ስድራቤት ሕጂ ኣብዚ ሓድሽ ከባቢ እግሪ ኣብ ምትካል ትርከብ ኣላ። “ብዙሕ ዓቐብን …

ኣብ ዝሓለፈ ዓመታት ተኽእሎታት ኲናት እናወሰኸ እኳ እንተመጸ፥ ኣብ ሽወደን ኣቢ ሕጂ እዋን ኲናት ክካየድ እዩ ዝብል ስግኣት ከም ዘይብሉ ቀዳማይ ሚኒስተር ኡልፍ ክሪስተርሾን ን ሬድዮ ሽወደን ሓቢሩ። ኣብ ቀረባ እዋን ብዛዕባ ተኽእሎታት ኲናት ብምልከት ብሚኒስተራት ምክልኻል መንግስትን ላዕለዋይ ኣዛዚ ሰራዊት ሽወደንን ዝተዋህበ ርእይቶታት “ልዕሊ ዓቐን” ተጋኒኑ እዩ ብዝብል ብርክት ዝበለ ኣሉታዊ ግብረመልሲ ከም እተዋህቦ ወሲኹ ኣመልኪቱ። “ኲናት ቅጽበታዊ ስግኣት …

ትካል ህዝባዊ መጓዓዝያ ኦስሎ ሩተር፡ ዝሓለፈ ረቡዕ ኣስታት 200 ጒዕዞ ኣውቶቡሳት ክስርዝ ከም እተገደደ ገሊጹ። ብኤሌክትሪክ ዝንቀሳቐሳ ኣውቶቡሳት እታ ከተማ ኣብ’ዚ ቀረባ እዋን ብሰንኪ ክቱር ዛሕሊ ጽቡቕ ክንቀሳቐሳ ብዘይምኻለን ኣዩ እቲ ምስራዝ ጒዕዞ ተጌሩ። ኣፈኛ ሩተር ካትሪን ማይህረን-ሃውገን፡ እዚ ምስራዝ ኣውቶቡሳት ኣብ ስራሕ አይምውፋረን ተጌሩ እዩ ዝንቀፍ ዘሎ ክትብል ትገልጽ። እንተኾነ ግና እቲ ሓቀኛ ምኽንያት ሙቐት ትሕቲ ዜሮ ኣጸቢቑ ምስ …

ብርቱዕ በረድን ብርቱዕ ንፋስን ኣብ ገለ ከባቢታት ማእከላይን ደቡብን ሽወደን ምዝንባዕ ትራፊክ የስዕብ ኣሎ። ሃገራዊ ማእከል ሜትሮሎጂ (SMHI) ኣብ ዮትላንድ ዝተራእየ ብርቱዕ በረድን መሸንቦባን ዝምልከት ሓያሎ መጠንቀቕታታት ኩነታት ኣየር ኣውጺኡ’ሎ። ካብን ናብን ደሴታት ባልቲክ ዝብገሳ ጀላቡ ንዝተረፈ ሰዓታት እዛ መዓልቲ ተሰሪዘን ኣለዋ።

ኣብ ሽወደን ካብ ዝሓለፈ ሰሙን ኣትሒዙ ኣብ ሓያሎ ከባቢታት እታ ሃገር መሸጣ መብሰሊ መግቢ፡ ተንቀሳቓሲ ምድጃ፡ ኢመርጀንሲ ሬድዮን መጽረዪ ማይን ዝኣመሰሉ ነገራት ዋጋ ክውስኽ ተእርዩ’ሎ። እዚ ዝኾነሉ ምኽንያት፡ ካብ ሚኒስተራት መንግስትን ዋና ኣዛዚ ሰራዊት እታ ሃገርን፡ ሽወደናውያን ኣብ መጻኢ ክኽሰት ዝኽእል ኲናት ኣብ ግምት ብምእታዉ ስነኣእምሮኣዊ ምድላው ክገብሩ ዝብል መግለጺታት ድሕሪ ምቕራቡ እዩ። በዚ ድማ ሸሓኒታት መብሰሊን ራቪዮሊን እውን ብብዝሒ …

ኣብ ፊንላንድ ትሕቲ 35 ዓመት ዝዕድሚአ ውላድ ክህልወን ዘይደልያ ደቂ ኣንስትዮ ብቚጽሪ እናወሰኻ ምምጽአን ብ “ትካል ጥዕናን ድሕነትን ፊንላንድ (THL)” ዝተኻየደ መጽናዕቲ ኣቃሊዑ። 73% ካብ 20–34 ዝዕድሚአን ደቂ ኣንስትዮ ከምዘይወለዳን እቲ ትካል ጥዕና ኣብ ዘካየዶ መጽናዕቲ ኣመልኪቱ። እዚ ድማ ካብ 2017 ጀሚሩ ብሸሞንተ ሚእታዊት ወሰኽ ኣርእዩ’ሎ። ብኣንጻሩ ቊጽሪ ናይተን ልዕሊ 35 ዓመት ዝዕድሚአን ናብ ሕርሲ ዝመጻ ደቀንስትዮ፥ ምስ ዝሓለፈ ሽዱሽተ …

ኣስታት 25% ሽወደናውያን ብዘይሕጋዊ መንገዲ ፊልምታትን ተለቪዥንን ከም ዝርእዩ “ሚድያቪዥን” ኣብ ቀረባ እዋን ዘካየዶ ሓደ ዳህሳስ ሓቢሩ። እዚ ኣሃዝ ቅድሚ ዓሚ ካብ ዝነበሮ 20% እዩ ናብ 25% ወሰኽ ኣርእዩ ዘሎ። ብፍላይ ድማ ኣስታት 50% ካብ መናእሰይ ሽወደን ብዘይ ግቡእ ክፍሊት ፊልምን ፕሮግራማት ቲቪን ይርእዩ ኣለዉ። እዚ ዘይሕጋዊ ኣገባብ ንኢንዱስትሪ ተሌቪዥንን ምዝንጋዕን ብዙሕ ክሳራ ዘስዕብ እዩ ትብል ተንታኒት ሚድያቪዥን ናታልያ ቦረሊየስ።

ብመሳርሒ ኣርቲፊሻል ኢንተለጀንስ ዝመሃዙ ናይ ሓሶት ቪድዮታት ኣብ እዋን ጎስጓስ ምርጫ እናተጋደደ ዝመጸ ጸገም ክፈጥሩ እዮም ብል ስግኣት ምህላዉ ተሓቢሩ። ኣብ “ኤጀንሲ ምክልኻል ስነ-ልቦና” ሽወደን ላዕለዋይ ተንታኒ ኣንድርያስ ኤደቫልድ “ሓደ ፖለቲከኛ ዝበሎ ብምጥምዛዝ ወይ ምሉእ ብምሉእ ኣምሲልካ ዘይተባህለ ሓበሬታ ብምርጋሕ፡ ህዝቢ ኣብ ሓደ ፖለቲከኛ ወይ ዝውክሎ ሰልፊ ዝጸንሖ እምነት ንኸንቈልቊል፥ በዚ ድማ ውጽኢት ምርጫ ንምቕጽልባስ ክጥቀሙሉ ይኽእሉ እዮም” ይብል። ድሮ …

ስድርኦም ካብ ቤቶም ይስጐጒ ብምህላዎም ቆልዑ ተሰከምቲ ኣሉታዊ ጽልዋ ይኾኑ ከምዘለዉ ህዝባዊ ኣገልግሎት ተለቪዥን ሽወደን SVT ሓቢሩ። ዓሚ ኣብ ወርሓት ጥሪ ክሳብ ሕዳር 610 ህጻናት በዚ ኲነታት ከምዝተሃስዩን እዚ ድማ ምስቲ ቅድሚኡ ዝነበረ ዓመት ክነጻጸር እንከሎ ኣዝዩ ወሰኽ ከምዘርኣየ እታ ተሌቪዥን ጸብጺባ’ላ። ብመሰረት ሃገራዊ ትካል ምኽፋል ዕዳ “ክሮኖፎግደን” ድሕሪ ፋይናንሳዊ ቅልውላው 2008 ካብ ዝነበሩ ዓመታት ጀሚሩ፡ ክንድዚ ዝኣክል ብምስጓጒ ስድራቤት …

ላዕለዋይ ኣዛዚ ሰራዊት ሽወደን፡ ኩሉ ኣብታ ሃገር ዘሎ ሰብ ንኲናት ስነኣእምሮኣዊ ድሉውነት ክህልዎ ከም ግባእ ገሊጹ። ኩነታት ጸጥታ ኣውሮጳ ድሕሪ ካልኣይ ኲናት ዓለም ከምዚ ሕጂ ዘለዎ ጌሩ ከቢዱ ከም ዘይፈልጥ እቲ ላዕለዋይ ኣዛዚ ወሲኹ ኣመልኪቱ። ሩስያ ንሽወደን ድሮ ስግኣት ኮይና ኣላ ዝኸፍአ ጸጥታዊ ስግኣት እውን ክስዕብ ይኽእል እዩ ይብል ላዕለዋይ ኣዛዚ ሚካኤል ባይደን።