ስራሕን ቁጠባን

ኣመሪካ፡ ናይ ሳይበር መጥቃዕቲን ካልእ ተጻብታት ሩስያ ምኽንያት ብምግባር፡ ኣብ ልዕሊ ሞስኮ እገዳ ከም ዘንበረት ተገሊጹ። እዚ ኣብ ልዕሊ ዓሰርተታት ናይ ሩስያ ሰብመዚን ትካላትን ዘቕነዐ እገዳ፡ ተጻብኦታት ሩስያ ንምዕጋት ብዝብል ዕላማ እዩ ተጌሩ ክትብል ኣመሪካ ገሊጻ’ላ። ሩስያ ንክሲታት ኣመሪካ ድሕሪ ምንጻግ፡ ተመሳሳሊ ግብረ መልሲ ክትወስድ ምዃና ኣመልኪታ። እዚ ትማሊ ሓሙስ ዕለት 15/04/2021 ዝወጸ እገዳ ብፕረሲደንት፡ ጆ ባይደን፡ ዝተፈረመ እዩ ተባሂሉ’ሎ። …

ቀዳማይ ሚኒትሰር ሱዳን፡ ዓብደላ ሓምዶክ፡ መራሕቲ ግብጺ፥ ኢትዮጵያን ሱዳንን ኣብ ጒዳይ ክርክር ኒል፡ ህጹጽ ዘተ ክገብሩ ጸዊዑ ክትብል ቢቢሲ ሓቢራ። እዚ ዘተ፡ ነቲ ኣብ ዝሓለፈ ሰሙን ተፈቲኑ ዝፈሸለ ዘተ ናዘን ሰለስተ ሃገራት ናይ መወዳእታ ዕድል ንምሃብ ዝተጸውዐ እዩ ዝመስል ክብል እቲ ዜና ወሲኹ ሓቢሩ’ሎ። ኢትዮጵያ፡ ኣብ እዋን ክራማት፡ ካልኣይ እብረ ምምላእ ሓጽቢ ሚለንዬም ከተካይድ ምዃና እያ እትገልጽ። ግብጽን ሱዳንን ግና …

ካብ ጽባሕ ሰኑይ ዕለት 19/04/2021 ጀሚረን፡ ኣብ ፊንላንድ ዝርከባ ትካላት ኣብያተ መግቢ፡ ኣፍደገአን ንዓማዊል ብምሉእ ዓቕመን ከርሕዋ ፍቓድ እኳ እንተረኸባ፡ ኣገልግሎት መስተ፡ ክሳብ ሰዓት 5:00 ድ.ቐ. ጥራይ ክኸውን፡ ብድሕሪኡ፡ ክልተ ሰዓታት ጸኒሐን ድማ ክዓጽዋ፡ መንግስቲ ፊንላንድ ሓቢሩ ክብል ማዕከን ዜና ተተ ኣቃሊሑ። ኣብተን ብኸቢድ ለበዳ ዝተጠቕዓ ከባቢታት ግን፡ እቲ መጠን፡ ብፍርቂ ዓቕመን ጥራይ ክሰርሓ ምዃነን እቲ መምርሒ ሓቢሩ ኣሎ። ከም …

ሃገረ ቤልጁም፡ ካብ ዕለት 08 ግንቦት ጀሚራ፡ ነቶም ካብ ዕለት 19 ጥቅምቲ ተዓጽዮም ዝጸንሑ ናይ ደገ ኣገልግሎት ዝህቡ ቤት ምግብታት ክትከፍት ምዃና ሓደ መንግስታዊ ምንጪ ሓቢሩ ክትብል፡ ጋዜጣ ለ ስዋር ሓቢራ ክብል ማዕከን ዜና ተተ ኣቃሊሑ። ብተወሳኺ፡ እቲ ጸኒዑ ዝጸንሐ ኣዋጅ ሕላፍ ሰዓት፡ ኣብቲ ዕለት ክለዓል ምዃኑ ተፍሊጡ ኣሎ። ሽሕ’ኳ ናይ ምግቢ ኢንዱስትሪታት፡ ኣብ መጀምርያ ወርሒ ግንቦት፡ ስረሐን ክጅምራ ተስፋ …

ሃገረ ዴኒማርክ፡ ፍርያት ኩባንያ ኣስትራ ዘነካ ዝኾነ ክታበት፡ ጠቕሊላ ከምዘቋረጸትን እቲ ዘይተጠቀመትሉ ብልቃጥ ክታበት ድማ ክትጉሕፎ ምዃና ሃገራዊ ቦርድ ጥዕናን በዓል መዚ መድሃኒት እታ ሃገር  (sundhedsstyrelsen and Lægemiddelstyrelsen) ኣብ ዘካየድዎ ጋዜጣዊ ዋዕላ ሓቢሮም ክብል ማዕከን ዜና ተተ ኣቃሊሑ። ኣብ ተመሳሳሊ እዋን፡ ንፍርያት ኩባንያ ጀንሶን ዝኾነ ክታበት ውን ተጽነዖ ምህላዋ ተሓቢሩ። ኣብ ከምዚ ዝበለ እዋን፡ ሓደ ካብ ክታበት ኮቪድ-19 ንኸይንጥቀም ምውሳንና፡ …

ኤውሮፓዊ ሕብረት፡ ካብ 01 ሓምለ ጀሚሩ፡ ንመስርሕ መገሻ ንምቅላል፡ ናይ ክታበት ፓስፖርት ኣብ ግብሪ ከውዕል ምዃኑ ኣፍሊጡ። ኣባላት ኤውሮፓዊ ሕብረት ዝኾና ሃገራት፡ ምስ ኤውሮፓዊ ፓርላማ፡ ዝርርብ ክገብራ ድልዋት ምዃነን ተፈሊጡ ኣሎ ክብል ማዕከን ዜና ተተ ኣቃሊሑ። ኣምባሳደራት ናይተን 27 ኣባላት ኤውሮፓዊ ሕብረት ዝኾና ሃገራት፡ ነቲ ብኤውሮፓዊ ኮሚሽን ዝቐረበ ብቀጠልያ ኤሌክትሮኒካዊ ሰርቲፊከት ዝፍለጥ ናይ ክታበት ፓስፖርት፡  ትማሊ ሰሉስ፡ ርእይቶታተን ከምዝሃባሉ ይፍለጥ። …

ሃገረ ሽወደን፡ ነቲ ብኩባንያ ጆንሶን ዝፈሪ ክታበት ኮቪድ-19፡ ቅድሚ ናብ ሃገራ ምእታዉ፡ ካብ ጥቕሚ ደው ከተብሎ ምዃና በዓል መዚ ጥዕና ሽወደን ሓቢሩ ክብል ማዕከን ዜና ተተ ኣቃሊሑ። ሃገረ ሽወደን፡ ክሳብ ኤውሮፓዊ በዓል መዚ መድሃኒት ብዛዕባ እዚ ክታበትን ምርጋእ ደምን ዘለዎም ዝምድናታት ብዝምልከት መጽናዕቱ ዝውድእ፡ ክትጽበ ወሲና ምህላዋ ገሊጻ። ክሳብ ሕጂ፡ 31 ሽሕ ብልቃጥ ፍርያት ጆንሶን ዝኾነ ክታበት ከይተጠቀመትሉ ኣብ ኢዳ …