ዜና

ሰርቪስ ዩኒየን ዩናይትድ (ፓም)፥ ካብ 14 ክሳብ 16 ለካቲት፥ ኣብ ማእከላት ሎጂስቲክስ ኩባንያታት ችርቻሮ ንሰለስተ መዓልታት ዝጸንሕ ተኸታታሊ ኣድማ ከዳሉ ምዃኑ ትማሊ ሰሉስ ኣፍሊጡ። ኣብዚ ኣድማ ኣስታት 10 ሽሕ ሰራሕተኛታት ክሳተፉ ምዃኖም፡ ንማእከላት ሎጂስቲክስን ዞባዊ ስርሓት ተርሚናልን ኬስኮ፡ ኣብ ቱርኮ ንዝመደብሩ ማእከላት ምክፍፋል ሊድልን ማእከል ሎጂስቲክስ ፖስትኖርድ፡ ደቡባዊ ምዕራብ ፊንላንድን ኣፍሊጡ’ሎ። መብዛሕትኦም ካብቶም 190 ሽሕ ኣባላት ፓም ኣብ ጽላታት ችርቻሮ፡ …

ሽወደናውያን ኣይሁድ ክቐትሉ መደብ ኣውጺኦም ብዝብል ጠርጠራ እተኸሱ ኢራናውያን መጻምድቲ ኣንጻሮም ዝቐንዐ ዝያዳ መርትዖታት እኳ እንተነበረ፡ እቲ ዓቃቢ ሕጊ ግን ነቲ ሓበሬታ ክጥቀመሉ ኣይከኣለን ክትብል ኣገልግሎት ዜና ሬድዮ ሽወደን ዘካየዶ መርመራ ገሊጹ። ነዚ መርትዖ ሽወደን ከይትጥቀመሉ ዝኸልከለት ካልእ ሃገር ምዃና እዩ ዝግለጽ ዘሎ። ማህዲ ራመዛኒን ፈረሽተህ ሳናይፋሪድን ኣብ 2022 እዮም ናብ ኢራን ተሰጒጎም። ክልቲኦም ነቲ ግብረሽበራዊ ውዲት ኣሊምኩም ዝብል ክሲ …

ኣብ መጀመርታ ናይዚ ሰሙን፥ ምስ ከልባ ንዙረት ወጺኣ ዘይተመልሰት ጓል ኣንስተይቲ፡ ካብ ትሮምሶ ወጽእ ኢሉ ኣብ ዝርከብ ፊንቪክዳለን ድሕሪ ዘጋጠመ ውሕጅ ሞይታ ከም ዝተረኽበት ፖሊስ ኣረጋጊጾም። ኣትላስ ዝስሙ ከልባ እውን በቶም ኣብ እምባታት በረድ ኲዕታ ዘካይዱ ሰራሕተኛታት ህጹጽ ረድኤት ሞይቱ ተረኺቡ’ሎ። ስድራቤት ጓል 26 ዓመት ካያ ብራትሊ ጉንደርሰን ትማሊ ምሸት ካብቲ ጉዕዞ ክትምለስ ብዘይምኽኣላ ደሃያ ከምዝጠፍአት ሓቢሮም ነይሮም። ፖሊስ ኣብ …

ሰልፊ ሊበራል፥ ትካላት ቴክኖሎጂ ህጻናት ወልፊ ቪድዮ ጸወታታት ወይ ስክሪን ሞባይል ከይህልዎም ንምርግጋጽ ዝያዳ ሓላፍነት ክወስዳ ዘገድድ ኣገባብ ክተኣታቶ ጸዊዖም። መራሒ እቲ ሰልፊ ዮሃን ፐርሾን፡ እዚ ኣሰራርሓ ተግባራዊ ንክኸውን ብክኢላ ሓይሊ ዕማም ክምርምር ከምዝደሊ ገሊጹ’ሎ። ንሱ ኣብዚ ሰሙን ናብ ሽወደን መንግስታዊ ዑደት ዘካየደ ፕረዚደንት ፈረንሳ ኢማኑኤል ማክሮን ተወሳኺ ምትብባዕ ከም ዝሃቦ ኣመልኪቱ’ሎ። እዚ እናኾነ ኣብ ምዕራብ ሽወደን ዝርከቡ ሰራሕተኛታት ኣገልግሎት …

ሽወደናዊ ትካል ባቡር “ኤስ.ጀይ” ኣብ እዋን ጽድያ ዳግማይ ክሕዝኡ ዝኽእሉ ትኬታት ምሻጥ ደው ከብል እዩ። ካብ ባሕቲ ሚያዝያ ጀሚሩ ዓማዊል መደባቶም ክቕይሩ እንተደልዮም፥ ብዋጋ ክብር ዝበለን ተመላስን ትኬት ክገዝኡ ክግደዱ እዮም። SJ እዚ ምቕያር ኣሰራርሓ ድሕሪ ምቕያሩ፡ ዳግመ ምሕዛእ ካብ ትግበራ ክወጽእ እዩ።

ሽወደን ነቲ ኣብ ስቶክሆልም ኣብ ዝርከብ ኤምባሲ እስራኤል ክግበር ተሓሲቡ ዝነበረሞ ዝፈሸለ መጥቃዕቲ፥ ግብረሽበራዊ ገበን ኢላ ብምግላጽ መመራኣ ትገብር ምህላዋ ተገሊጹ። ኣገልግሎት ስለያ ሽወደን ሳፖ ነዚ ኣብ ቀጽሪ ኤምባሲ እስራኤል ዝተረኽበ ቦምባ ኢድ ምዃኑ ዝንገረሉ ባእታ ንምምርማር ነቲ ቦታ ተቖጻጺርዎ’ሎ። ፖሊስ ዝሓለፈ ረቡዕ ናብቲ ኤምባሲ ተጸዊዕም፡ ኣብ ቀጽሩ ሓደገኛ ነገር ድሕሪ ምርካቦም፡ እቲ ሃገራዊ ጒጅለ ሃንደሳ ነቲ ባእታ ምዕናዉ ዝፍለጥ …

ኣብ ሰሜናዊ ምዕራብ ሽወደን ብርቱዕ ንፋስ ይሸብብ ምህላዉ፡ ኣብ ያምትላንድ ኣብ ዝርከብ ስቴከንዮክ ድማ ፍጥነት እቲ ንፋስ ናብ ኣውሎ ንፋስ ደርጃ ምዕራጒ ተገሊጹ። ብሰሪ እዚ ብርቱዕ መሸንቦባ ኣግራብ ኣብ ልዕሊ መስመራት ሓይሊ ኤሌክትሪክን ጽርግያታትን ብምውዳቖም፡ ሓይሊ ኤሌክትሪክ ኽቋረጽ፥ ብርክት ዝበላ ኣባይቲ ኸኣ ብዘይ ጸዓት ኤሌክትሪክ ክጸንሓ ምኽንያት ኮይኑ’ሎ። እቲ ኢንጉን ተባሂሉ ዝተሰየመ ህቦብላ፡ ካብ ደቡባዊ ምዕራብ ብኖርወይ ኣቢሉ እዩ ዝመጽእ …

ብዘይሕጋዊ ካብ ሽወደን ናብ ናይጀርያ ዘገልገላ መካይን ኣብ ምልኣኽ ዝተዋፈሩ ብርክት ዝበሉ ሰባት ኣብ ኣህጉራዊ መርበባት ዓሎቕ እውን ከም ዝነጥፉ ተሓቢሩ። ዘገልገላ መካይን ሽወደን ናብቲ ብብዝሒ ዝጥለባሉ ዘለዋ ዕዳጋ ናይጀርያ ንምልኣኽ ዝግበር መስርሓት ክትከታተል ዝጸንሐት ኣገልግሎት ዜና ሬድዮ ሽወደን፥ ብፍላይ ዕብይ ዝበሉ ሰባት ግዳያት እዚ ዕሎቕ ይኾኑ ምህላዎም ኣጣሊላ’ላ። ሓንቲ ካብዞም ግዳያት ዮሃን ኢንግሪድ ብፍቕራዊ ዓሎቕ ሚልዮናት ክሮና ኣብ ልዕሊ …

ቅልውላው ወይ ውግእ እንተተኸሲቱ እንታይ ንግበር ብዝብል እተዳለወ ብሮሹር ኣብዚ ጽድያ ብሓድሽ መልክዕ ናብ ኩለን ስድራቤታት ሽወደን ብፖስታ ክለኣኽ እዩ። ብዘይካዚ ኤጀንሲ ሲቪላዊ ቅድመ ምድላው ሓደጋታት ሽወደን (MSB) ኣብ ዝመጽእ ጥቅምቲ ንኽቐርብ ዝተዳለወ እዋናዊ ፓምፍሌት ኣብ ምስንዳእ ኣሎ ክትብል ኣገልግሎት ዜና ሬድዮ ሽወደን ጸብጺባ’ላ። እቲ ትሕዝቶ ምስቲ ሽወደን ኣባልነት ኔቶ ድሕሪ ምዃና ዝህሉ ልዑል ጸጥታዊ ኩነታት ዝያዳ ብዝሰማማዕ ኣገባብ ዝተዳለወ …

ገበነኛታትን ኣብቲ ናብ ናይጀርያ ዝካየድ ዘሎ ዘይሕጋዊ ሰደድ መካይን ብድሕሪ መጋረጃ ዝእዝዙ ዘለዉ ሰባትን፡ ኣብ ሽወደን ንዝርከቡ ምዝጉባት ወነንቲ መካይን ብምርካብን መካይኖም ክሸጡ ምድፍፋእን ይቕጽልሉ ምህላዎም፡ ካብዚ ሃሊፎም እውን ካብ ኤጀንሲ መጓዓዝያ ሽወደን ውልቃዊ መረዳእታ ይገዝኡ ከምዘለዉ ኣገልግሎት ዜና ሬድዮ ሽወደን ሓቢሩ። እቲ ሓበሬታ ናብታ ኣፍሪቃዊት ሃገር ኣታዊ ዘለወን ኣረጊት መካይን ረኺብካ ንምስግጋር ይውዕል ምህላው እታ ሬድዮ ኣጣሊላ’ላ።