ኣህጉራዊ ዜና

ዘይሕጋዊ ዝውውር ገንዘብ፡ ከምኡውን ን ግብረሽበራውያን ጒጅለታት ዝግበር ፋይናንሳዊ ሓገዛት ንምዕጋት ተባሂሉ ብመንግስቲ ዝወጸ ተረርቲ ሕጊታት፡ ኣብዚ ሕጂ ኣዋን ዕድጊን ሕሳብን ክዕጸዉ ይገብር ምህላዉ ተገሊጹ። እዚ ኣገባብ፡ ሽወደን ምስ ከም ዒራቕ ዝኣመሰላ ሃገራት ንእትገብሮ ንግዳዊ ርክባት ብኣሉታ ከም ዝጸሉ፡ ሓይደር ኢብራሂም ካብ ጨንፈር ንግድ ሽወደንን ዒራቕን ገሊጹ። እዚ ሓድሽ ሕጊ፡ ኣብ ልዕሊ ሽወደን ኣሉታዊ ሳዕቤናት ክህልዎ ከም ዝኽእል ግንዛበ ከም …

ኤጀንሲ ስደተኛታት፡ ኣብ ሽወደን ትምህርቶም ዝከታተሉ ኣህጒራውያን ተመሃሮ ምስ ፍቓድ መንበሪ ብዝተሓሓዝ ዝፍጽምዎ ዘይሕጋዊ ተግባራት ንምውጋድ፡ ምስ ዩኒቨርሲታት ሽወደን ብምትሕብባር ክሰርሕ ከም ዝደሊ ገሊጹ። ምስዚ ብዝተሓሓዘ፡ ዩኒቨርሲቲ ሊንዬስ ኣብዚ ኣየት ድሕሪ ዝቐረበሉ ነቐፌታዊ ጸብጻብ፡ ን ተመሃሮ ናብ ሽወደን ቅድሚ ምእታዎም ብ “ኦንላይን” ቃለመሕትት ክገብረሎም ወሲኑ’ሎ።. ኣህጒራውያን ተመሃሮ ኣብ ዩኒቨርሲታት ሽወደን ንኽኣትዉ ናይ እንግሊዝኛ መርመራ ከም ረቛሒ ክወስዱ ይግባኦም ዶ ኣይግባኦምን …

ሽወደን ናብ ቻይና ብዛዕባ ዝግበር ጒዕዞ ኣመልኪታ፡ ኣኼባ ኣውሮጳዊ ሕብረት ጸዊዓ። ኣውሮጳዊ ሕብረት፡ ናብ ቻይና ንዝጎዓዙ ሰባት  ብ “ወሃቢ ግብረመልሲ ንቅልውላው” ዝተባህለ ኣሰራርሓኡ ኣቢሉ፡ ሓባራዊ ሕጊታት ከተኣታቱ ከም ዝግባእ ብምምልካት እያ ሽወደን፡ ሎሚ ረቡዕ እዚ ኣኼባ ክግበር ጸዊዓ ዘላ።  ኣብ ቻይና ለበዳ “ኮቪድ-19” ደጊስዎ ብናህሪ ይውስኽ ምህላዉ ጸብጻባት የመልክቱ። ኤጀንሲ ህዝባዊ ጥዕና ብወገኑ እዚ ኣብ ቻይና ተኸሲቱ ዘሎ ደግሲ ለበዳ …

ኣብ ሽወደን ትምህርቶም ኣብ ምክትታል ዝርከቡ ኣህጒራውያን ተመሃሮ፡ ን ቪዛ ኣብ ዘይግቡእ መዓላ የውዕልዎ ምህላዎም ብ ኤጀንሲ ስደተኛታት ዝወጸ ጸብጻብ ኣመልኪቱ። እዞም ተመሃሮ፡ ኣብ ሽወደን ኣብ ትምህርቲ ኣብ ዝጸንሑሉ እዋን ነቲ ቪዛ ናብ ዕዳጋ ሽቕለት ሽወደን ንምእታው ይጥቀሙሉ ምህላዎም እቲ ኤጀንሲ ገሊጹ’ሎ። “እዚ ጸብጻብ ኣጋጋዪ ክኸውን ይኽእል እዩ፡ ከምዚ ዝኣመሰለ መደምደምታ ቅድሚ ምብጻሕካ ዝያዳ መጽናዕቲ ምግባር ዝሓትት እዩ” ክትብል ብሪታ …

ሩስያ ትሕተ-ቕርጺን ሞራልን ህዝቢ ዩክሬይን ንምስባር፡ ተወሳኺ ናይ ድሮን መጥቃዕቲ ንምክያድ ውጥን ከም ዘለዋ ፕረሲደንት ዩክሬይን ቮሎድሚር ዘለንስኪ ገሊጹ። ሩስያ ነዚ መጥቃዕቲ ፍርያት ኢራን ብዝኾና ድሮናት “ሸሀድ” ከተካይዶ ትዳሎ ምህላዋ ስለያዊ ሓበሬታ ምርካቡ ዝለንስኪ ወሲኹ ሓቢሩ’ሎ። ሩስያ በዚ ናይ ድሮን መጥቃዕቲ ኣቢላ ን ዩክሬይን ንምድቓቕ ወጢና ምህላዋ ዘለንስኪ ኣተሓሳሲቡ። ዩክሬይን ኣብ ዞባ ዶንባስ ኣብ ልዕሊ ወተሃደራት ሩስያ መጥቃዕቲ ብምፍናው ኣማኢት …

ኣብ ኖርወይ፡ ኣብዚ ሓድሽ ዓመት ምንቊልቋል ቊጠባ ከጋጥም ከም ዝኽእል፡ እንተኾነ ግና እዚ ዝኽሰት ድሕሪ ሓያል ዕቤት ብምዃኑ ስምብራቱ ክንድቲ ዘስግእ ከም ዘይከውን፡ ኣብ ባንክ DNB ዋና ክኢላ ስነቚጠባ ሸርስቲ ሆግላንድ ገሊጻ። ኣብ መዓልቲ ሓድሽ ዓመት፡ ኣህጒራዊ ማዕከን ገንዘብ (IMF) ኣብ ፍርቂ ኣውሮጳዊ ሕብረት ምንቊልቋል ቊጠባ ከጋጥም ከም ዝኽእል መጠንቀቕታ ምውጽኡ ዝፍለጥ እዩ። እዚ ኣብ ሲሶ ካብ ቊጠባ ዓለምና ዘጋጥም …

ኣብ ዝሓለፋ ክልተ ዓመታት፡ ኣብ ሽወደን ኣብ ነፍሲ ወከፍ ወርሒ ኣስታት 4000 ዝኾኑ ሰባት ፍቓድ ስራሕ ይሓቱ ምንባሮም ተገሊጹ። እዚ ኣሃዝ ካብቲ ዝጸንሐ ብዕጽፊ ዝዛይድ እዩ። ፍርቂ ናይዚ መመልከቲ ስራሕ ልዑል ሞያ ኮይኑ ፡ ኣስታት 70% ኲሉ ናይ ስራሕ መመልከቲ ተቐባልነት ከም ዝረክብ ሬድዮ ሽወደን ገሊጻ’ላ። “ዝተፈላለየ ባህልታትን ሃገራትን ክርኢ እደሊ እየ፥ ስድራይ’ውን ሕራይ ኢሎምኒ ኣለዉ” ክትብል ናብ ሽወደን ዓሚ …

ሎሚ ንግሆ፡ ኣብ ስቶክሆልም ኣብ መእተዊ ብሎክ ግርምስታን ኣጋርሞሰን ክልተ ምፍንጃራት ከም ዘጋጠመ ተገሊጹ። በዚ ምፍንጃር ዝተጎድአ ሰብ ብዛዕባ ምህላዉ እተፈልጠ ነገር የለን። እንተኾነ ግና ህንጻ ግሪስምስታ ዘይነዓቕ ዕንወት ወሪድዎ’ሎ። ምስዚ ምፍንጃር ብዝተተሓሓዝ፡ ሓሙሽተ ሰባት ኣብ ትሕቲ ቊጽጽር ክኣትዉ እንከለዉ፡ ፖሊስ ነዚ ምፍንጃር ኣብ ዋዜማ ሓድሽ ዓመት ኣብ ቫሊንቢ ምስ ዘጋጠመን ህይወት ዝቐዘፈን ናይ ብረት መጥቃዕቲ ርክብ ኣለዎ እንተኾይኑ ንምምርማር …

ሓሙሽተ ቆልዑ ዝርከብዎም ዓሰርተ ሰባት፡ ብምኽንያት ጽንብል ሓድሽ ዓመት ብዝተተኮሰ ርችት ናይ ዓይኒ መጒዳእቲ በጺሕዎም። ሰለስተ ካብዚኣቶም ክብድ ዝበለ ማህሰይቲ ክወርዶም እንከሎ፡ ብሰንኪዚ ናይ ምርኣይ ዓቕሞም ብዘይንዓቕ መጠን ክጎድል ከም ዝኽእል፡ እቶም ዝተረፉ ግና መጠነኛ ጒድኣት ጥራይ ከም ዝበጽሖም ነባር ክሊኒክ በርገን ገሊጹ’ሎ። ክልተ ካብዞም ኣርባዕተ ተጎዳኣቲ፡ ኣብ ጎደና ኮይኖም ርችት ክትኮስ ይዕዘቡ ምንባሮም፡ እንተኾነ ግና ናይ መከላኸሊ መነጽር ወድዮም …

ኣብ ዝሓለፈ 5 ዓመታት ፍረድሪክ ዮሃንሰንን ውድቡ “ጽሩይ ቀላይ ሬና ማላረን” ብጠቕላላ 278 ቶን ማለት (2780 ኲንታል) ጎሓፍ ካብ መዓሙቕ ቀላይ ከም ዘጽረዩ ተገሊጹ። “ሬና ማላረን” ከተማ ስቶክሆልም እተደኮነትሉ ቀላይ እዩ።  ካብቲ ዝወጸ ጎሓፍ ብኤለትሪክ ዝሰርሓ ትጒቱግ፡ 320 ኲንታል ባተሪ ጀላቡን ከም ዝርከቦ እቲ ውድብ ሓቢሩ’ሎ። ሽወደን ብማይ ዝመጸ ኣያ ዝተዓደለት ሃገር እያ፡ እንተኾነ ግና እዚ ማያት ክንክን የድልዮ እዩ …