ዜና መጽሄት

ፕረዚደንት ኣመሪካ ጆ ባይደን፡ “F-16” ዝዓይነተን ነፈርቲ ኲናት ናብ ዩክሬይን ከም ዘይልእኽ ገሊጹ። ሰብመዚ ዩክሬይን ኣመሪካ ሓገዝ ምክልኻል ኣየር ክትገብረሎም ኣብ ዝሓትሉ ዘለዉ እዋን እዩ፡ ባይደን ነዘን ነፈርቲ ከም ዘይልእከን ሓቢሩ ዘሎ። ንሱ፡ ብቕድሚ ትማሊ ሰንበት፡ “ኣመሪካ ን ዩክሬይን F-16 ዝዓይነተን ነፈርቲ ኲናት ብሓገዝ ክትህብ ድያ” ብምባል ንዝቐረበሉ ሕቶ፡ ብንጹር “ኣይፋል” ዝብል መልሲ ሂቡሉ’ሎ። ምስ ወናኒት ኑክሌራዊ ኣጽዋር ዝኾነ ሩስያ …

ሽማግለታትን ስንኲላንን ግዳይ ዝገብር ናይ ዓሎቕ ወንጀል፡ ኣብ ዝሓለፈ ሰለስተ ዓመታት ብ 80% ምውሳኹ ካብ ፖሊስ ሸወደን እተረኽቡ ኣሃዛት ኣመልኪቶም። ዝበዝሐ ካብዚ ዓሎቕ፡ ሰባት ዘይኮንዎ መሲሎም ብምቕራብ ካብ ካልኦት ሰባት ገንዘብ ብምውሳድ ዝፈጸምዎ እዩ ተባሂሉ’ሎ። ብፍላይ ድማ ፖሊስ፡ ሰራሕተኛ ባንክን ዘመድን ተመሲሎም ናብ ሰባት ብምቕራብ ገንዘብ ከም ዝወሰዱ እቲ ኣሃዝ ኣመልኪቱ።  ግዳያት ምትላል ዝኾኑ ዓማዊላ ናብ ከምዚ ዝበለ መጻወድያ ምውዳቖም …

ኣብ ሰሚናዊ ጠረፍ ሽወደን፡ ፊንላንድን ኖርወይን ሕጽረት ዓቕሚ ሰብ ምህላዉ ተገሊጹ። በዚ ድማ ኣብ ሰሜናዊ ጫፍ ሓውሲ ደሴት ስካንዲናቭያ ዝርከባ ትካላት ትምህርቲ፡ ምምሕዳራት ከተማን ካልኦት ውድባትን ካብ መላእ ዓለም ሰራሕተኛታት ንምስሓብ ተሪር ምትሕብባር ይገብራ ኣለዋ። እዚ ዞባ ውሑስ፡ ጽላት ኢንዱትሪኡ ዝማዕበለን ፍሉይን እዩ ክብል ፡ ሌፍ ፓያርቪ ካብ “ኣርክቲክ ቮኬሽናል ፋውንዴሽን” ገሊጹ’ሎ።

ኣብ ሽወደን መጽሓፍ ቊርኣን ምቅጻል ከም ገበን ከም ዘይቊጸር፡ ንሓደ ህዝቢ ግዳይ ፕሮፓጋንዳ ምግባር ዝብል ሕጊ ኸኣ ንኸምዚ ዓይነት ጒዳያት ኣብ ግምት ከም ዘየእቱ ተሓቢሩ ። ንዝደለኻዮ ሃይማኖት ክትነቅፍን ተቓውሞኻ ከተርእይን ፍቑድ እዩ ክብል፡ ኣብ ዩኒቨርሲቲ ስቶክሆልም ክኢላ “ሕጋዊ ጒዳያት መሰል ምግላጽ ሓሳባት” ኒልስ ፋንኬ ገሊጹ’ሎ። ህዝባዊ ጸጥታ መታን ክሕሎ ፖሊስ ንሓደ ሰልፊ ካብ ሓደ ቦታ ከርሕቕዎ ይኽእሉ እዮም፡ እንተኾነ …

ኣብ ደቡብ ስቶክሆልም ድሕሪ ዘጋጠመ ሞት ወዲ 15 ዓመት ህጻን፡ ሓደ ኮተቴ ኣብ ትሕቲ ቊጽጽር ፖሊስ ኣትዩ። እቲ ኣብ ስኮጎስ ዝቕመጥ ዝነበረ ግዳይ፡ ብ ቀዳም ምሸት ኣብ ማእከል ዕዳጋ ኣብ ዝርከብ ቤት መግቢ ብጥይት ከም እተቐትለ ሬድዮ ሽወደን ጸብጺባ’ላ። ብቕድሚ ትማል ሰንበት ግዳይ ንምዝካርን ዕንባባ ንምንባርን፡ ኣብቲ ዕዳጋ ኣስታት ሚእቲ ዝኾኑ ሰባት ተረኺቦም ምንባሮም፡ እታ ሬድዮ ወሲኻ ኣመልኪታ።

ኣብ ምጅማር እዚ ሒዝናዮ ዘሎና ዓመት ዋጋ መሞቒ ኣባይቲ ብ 5% ወሲኹ ምህላዉ ተገሊጹ። እንተኾነ ግና ኣብ መንጎ ዝተፈላለያ ኲባንያታት ኣብዚ ፍልልይ ምህላዉ ሬድዮ ሽወደን ጸብጺባ’ላ። ሓንቲ ኣብ ማልም እትርከብ ኲባንያ ነዚ ዋጋ ብ 20% ክብ ክብል ጌራ’ላ። እዚ ድማ ኣብ ልዕሊ ኲባንያታትን ኣባይቲን ቊጥዐ ፈጢሩ ምህላዉ እታ ሬድዮ ወሲኻ ገሊጻ’ላ።

ኣብ ስቶክሆልም ኣብ ዝካየድ ዘሎ ጎነጽ ዝሳተፉ ዘለዉ ብርክት ዝበሉ መርበባት ጒጅለታት ገበን፡ ኣብዚ ናይ ወንጀል ንጥፈታቶም  ክሳብ 12 ዝዕድሜኦም ቆልዑ ይጥቀሙ ምህላዎም ተፈሊጡ። ነዚ ዝገለጸ ኣብ ደቡብ ስቶክሆልም ኣብ መርመራ ተዋፊሩ ዝርከብ ፖሊስ ቶርሰን እዩ። ገለ ካብዞም ቆልዑ ብገንዘብ ዝተታለሉ ኮይኖም፡ ገሊኦም ድማ ስድራኹም ኣብ ሓደጋ ክወድቁ እዮም ኢሎም ብምፍርራህ ይዕስብዎም ምህላዎም ኣልም ወሲኹ ኣመልኪቱ። ቆልዑ ኣብ ከምዚ ዝበለ …

ዋና ተሓጋጋዚ ቀዳማይ ሚኒስተር ኡልፍ ክሪስተርሰን ዝኾነ ኣባል ባይቶ ኒልሰን፡ ብፍቓዱ መዝነቱ ክሓድግ ከም ዝደሊ ትማል ለይቲ ገሊጹ። “ብዘይፍቓድ ተመን ባሕሪ ምጅላብን ብዛዕባኡ ንሰብመዚ ዘይምሕባርን ክሳብ ክንደይ ዘይግቡእ ምዃኑ እርዳእ እየ” ክብል ኣባል ባይቶ ኒልሰን ኣብ ፌይስቡክ ሓሳቡ ጽሒፉ’ሎ። ቀዳማይ ሚኒስተር ክሪስተርሰን ብወገኑ፡ እዚ ኲነታት ከም ዘሕዘኖ እንተኾነ ግና ኒልሰን ስልጣን ዝሓደገሉ ምኽንያት ብግቡእ ከም ዝርዳእ ገሊጹ’ሎ።

ሽወደን ኣባል ወተሃደራዊ ኪዳን ሰሜን ኣትላንቲን (ኔቶ) ንምዃን ተወሳኺ ግድል ከም ዝገጠማ ተገሊጹ። ኣብ ኣፍደገ ኤምባሲ ቱርክ፡ ብሕሉፍ የማናዊ ፖለቲከኛ ራሙስ ፓሉዳን ድሕሪ ዝተገብረ ምቅጻል መጽሓፍ ቊርኣን፡ ኣብ መንጎ ቱርክን ሽወደንን ዝጸንሐ ዲፖማስያዊ ርክብ ተወሳኺ ሽግር ተደሪብዎ ምህላዉ፡ ኣብ ዩኒቨርሲቲ ስቶክሆልም ዳይረክተር ትካል መጽናዕቲታት ቱርክ ፓል ለቪን ገሊጹ። ኣብ መንጎ እዘን ሃገራት ተፈጢሩ ዘሎ ፍልልይ ዳግማይ ንምጽጋን፡ ካብቲ ኣቐዲሙ ተሓሲብዎ …

ኣብ ዝሓለፈ ዓመት “ተቖጻጻሪ ጥዕናን ማሕበራዊ ክንክንን” (ወይ ከኣ IVO)፡ ንፍርቂ ካብቶም ስራሕ ክጅምሩ ዝሓተቱ ኲባንያታት ክንክን ኣባይቲ ናይ ኣይፋል መልሲ ከም ዝሃቦም ገሊጹ። “ከምዚ ዝበለ ውሳነ ምውሳንና ጌጋ እዩ ኢለ ኣይሓስብን” ክትብል፡ ሞኒካ በርሉንድ ካብ “ምቊጻር ጥዕናን ማሕበራዊ ክንክንን” ገሊጻ’ላ። ኣብ 2019 ኣብ ኣገልግሎት ክንክን ኣባይቲ ንምስራሕ ናይ ፍቓድ ረቛሒ ከም እተኣታተወ ዝፍለጥ እዩ። ዕላማ እዚ ረቛሒ ካብ ዓሎቕ …