ሓጽብታት ሃይድሮ ኤሌክትሪክ፡ ንዓሌት ነብሪ፡ ኣብ ሓደጋ የእትው ምህላዎም ተገሊጹ

ኣብ ዓለምና እናሰፍሐ ዝመጽእ ዘሎ ኣገልግሎት ሓጽቢ ሃይድሮ ኤሌክትሪክ፡ ኣብ መንበሪ ከባቢ ዓሌት ነብሪ፡ ኣዕናዊ ሳዕቤናት የምጽእ ምህላዉ ሓደ መጽናዕቲ ኣመልኪቱ።

ብፍላይ ኣብ ኣህጒር ኤስያ፡ ዝህነጹ ዘለዉ ሓጽብታት፡ ንህይወት ናይዞም ቊጽሮም እናተጓደለ መጺኡ ኣብ ደረት ምጽናት ዝርከቡ ዓሌት ነብሪ፡ ናብ ዝኸፍአ ሓደጋ ኣቃሊዕዎም ምህላዉ እቲ መጽናዕቲ ወሲኹ ኣመልኪቱ።

ኣብ ገሊኡ ጫካታት፡ ብሰንኪ ዝተሃንጹ ሓጽብታት፡ እዞም ዓሌት ነብሪታት ከም ዝጸነቱ ኣብቲ መጽናዕቲ ተመልኪቱ። ኣብ ዝሓለፈ ሚእቲ ዓመት 90% ካብ ቊጽሪ ዓሌት ነብሪ ከም ዝጸነቱ መጽናዕቲታት ይሕብሩ።