ፍጡን ክትባት ሰዓል ሓደጋ ሞት ሕሙማት ድኻም ልቢ ከጒድል ከም ዝኽእል ተገሊጹ። https://sverigesradio.se/artikel/quick-flu-shot-for-heart-attack-patients-could-save-lives-down-the-track ፍጡን ክትባት ሰዓል ንሕሙማት ድኻም ልቢ ከድሕን ከም ዝኽእል፡ እንተኾነ ግና እዚ ስሩዕ ናይ ክትባት መስርሕ ካብ ዞባ ናብ ዞባ ከም ዝፈላለ ተሓቢሩ። ንኣብነት ኣብ ስቶክሆልምን ኦረብሮን ተሓከምቲ ኣብ ሆስፒታል እናሃለዉ ክኽተቡ እንከለዉ ኣብ ኡፕሳላ ግና ናብ ማእከል ክንክን ጥዕና ክበጽሑ ይንገሮም ኣሎ ተባሂሉ። ኣብ ዩኒቨርሲቲ ሆስፒታል ኦሬብሮ ዝሰርሕ ፕሮፌሰር ኦለ ፍሮበርት፡ ኣብ ድኻም ልቢን ዓባይ ሰዓልን መጽናዕቲ ድሕሪ ምክያድ፡ ሕሙማት ድኻም ልቢ ኣብ ሆስፒታል እናሃለዉ እዚ ክትባት ክወሃቦም እንተተጌሩ ኣብ ዝቕጽል ዓመት በዚ ሕማም ክስዕብ ዝኽእል ሓደጋ ሞት ብ 40% ክጐድል ከም ዝኽእል ገሊጹ’ሎ–ብመሰረት ጸብጻብ ሬድዮ ሽወደን።