ሃገረ ዴኒማርክ፡ ማስክ ምጥቃም ግዴታ ከምዘይኮነ ኣዊጃ

ኣብዚ ሕጂ እዋን፡ ዝበዝሑ ዜጋታት ዴኒማርክ፡ ክታበት ዝወሰዱ ብምዃኖም፡ ቀስ እናበልና፡ ናብቲ ንቡር መዓልታዊ ሂወትና ንምለሰሉ መንገዲ ነምርሕ ኣለና ክብል ሚኒስተር መጓዓዝያ’ታ ሃገር፡ ቤኒ ኢንግልብሬኽት፡ ኣብ ዝሃቦ መግለጺ ሓቢሩ።

ኣብ ህዝባውያን መጓዓዝያታት፡ ማስክ ናይ ምውዳይ መምርሒ ንኽወድቅ ተሓሲቡ ዝነበረ ዕለት 01 መስከረም’ኳ እንተነበረ፡ መስርሕ ክታበት ብጽቡቕ ይሰላሰል ብምህላዉ፡ እቲ ዕለት ካብ 14 ነሓሰ ከምዝኸውን ተገይሩ ምህላዉ ድሕሪ ምግላጽ፡ ኣብ ነፈርትን መዓርፎ ነፈርትን ግን፡ መምርሒታት ማስክ ምውዳይ፡ ይቕጽል ምህላዉ ብምውሳኽ ገሊጹ።

ካብ ዓሰርተ ዜጋታት ዴኒማርክ፡ ልዕሊ 6 ሰባት ዝተኸትቡ ምኳኖም እቲ ጸብጻብ ሓቢሩ።