Harmony Media መሓዛ ተዛረብቲ ቋንቋ ትግርኛ
ኣብዚ ሕጂ እዋን፡ እቲ ኮሚርናቲ (Comirnaty) ተባሂሉ ዝጽዋዕ ክትባት፡ ካብ 5 ዓመት ዝዕድሚኦም ህጻናት ንዘለው ንኽውሃብ ተፈቒዱ ከምዘሎ ተገሊጹ። ከም ጸብጻብ ኣገልግሎት ህዝባዊ ጥዕና ሽወደን (Public Health of Sweden)፡ እዚ ክትባት ብፍላይ ነቶም ናይ ላዕለዋይ ኣካላት ናይ ምትንፋስ ጸገም ንዘለዎም ተኣፈፍቲ ህጻናት ንኽዋሃብ ከምዝሓበረ ተፈሊጡ ክብል ማዕከን ዜና ተተ ሓቢሩ።
እዚ መጠን ናይ ክትባት ድማ ካብቶም ንደቂ 12 ዓመት ዝመልኦም ቆልዑት ዝዋሃብ ዓይነት ዝወሓደ ከምዝኾነ ተፈሊጡ’ሎ።
ከም እምነት እቲ ትካል ጥዕና እንድሕር ኮይኑ፡ እቲ ክትባት ኣብ ዝመጽእ ዓመት ወርሒ ጥሪ ንህዝቢ ክቐርብ ከምዝኽእል ኣፍሊጡ።
ኩሎም ልዕሊ 12 ዓመት ዝኾኑ ቆልዑት ካብዚ ዓመት ወርሒ መስከረም ጀሚሩ ነዚ ክትባት ንኽወስዱ ከምዝተወሰነ ዝዝከር እዩ።