ቡርኪናፋሶ፡ ሰራዊት እታ ሃገር፡ ስልጣን ምጭባጡ ገሊጹ

ሰራዊት ቡርኪናፋሶ፡ ንፕረዚደንት ሮሽ ካቦሬ፡ ብምዕላው ስልጣን ምጭባጡ ገሊጹ።

ሓደ በዓልመዚ ሰራዊት እታ ሃገር፡ ናብ ተሌቪዥን እታ ሃገር ቀሪቡ፡ ኣብታ ሃገር እናበኣሰ ዝኸይድ ጸጥታዊ ኲነታት፡ እዚ ዕልዋ መንግስቲ ንኽፍጸም ምድራኹ ገሊጹ’ሎ።

ፕረዚደንት ካቦሬ፡ ሃለዋቱ ዛጊት እኳ እንተዘይተፈልጠ፡ እቶም ጁንታ ግና፡ ኣብ ውሑስ ቦታ ተሓዪሩ ምህላዉ እዮም ዝገልጹ።

ብቕድሚ ትማል ምሸት፡ ኣብ ወተሃደራዊ መደበራት ርእሰ ከተማ እታ ሃገር፡ ዋጋዱጉ፡ ተዂሲ ክስማዕ ድሕሪ ምምሳዩ እዩ እቲ ዕልዋ መንግስቲ ከም እተኻየደ ዝግለጽ ዘሎ። ኣቐድም ኣቢሉ እውን ካቡሬን ሓደ ሚኒስተርን፡ ቅንጸላ ከም እተፈተነሎም ህዝባዊ ምንቅስቕስ ንገስጋስ ዝተባህለ ሰልፊ ገሊጽ ምንባሩ ይዝከር።

ፕረዚደንት ካቡሬ፡ ንዕጡቓት ጉጅለታት፡ ብግቡእ ብምምካት ጸጥታ እታ ሃገር ከውሕስ ብዘይምኽኣሉ፡ ብርቱዕ ነቐፌታ ክወርዶ ምጽንሑ ካብታ ሃገር ዝወጹ ጸብጻባት የመልክቱ።