ባቡር መክሲኮ ተሓምሺሻ፥ 23 ሰባት ሞይቶም።

ትማል ሰኑይ ከባቢ ሰዓት 10 ድ/ቀ ኣብ መክሲኮ ሲቲ ባብር ከተማ ብምሕምሻሻ ብውሕዱ 23 ሰባት ምሟቶምን ብዓሰርተታት ዝቚጸሩ ድማ ኣካላዊ ማህሰይቲ ከም ዝወረዶምን ሰብመዚ እታ ከተማ ገሊጾም።

ካብዞም ግዳያት ህጻናት ከም ዝርከብዎም ዝገለጸ እቲ ሓበሬታ ኣባላት መድሕን ሬሳታታ ኣብ ምልላይ ተዋፊሮም ምህላዎም ኣመልኪቱ።

ኣብ ትሕቲ እታ ዝጸደፈት ባቡር ኣብ ውሽጢ መኪና ዝነበረ ሰብ ብህይወቱ ወጺኡ ናብ ሆስፒታል እናተወስደ ሓዊስካ ብርክት ዝበለ ኣሳእል እዚ ሓደጋ ተላዕሉ ኣሎ።

ኣብ 2017 ኣብ መክሲኮ ሲቲ፡ድሕሪ ዘጋጠመ ምንቅጥቃጥ ምድሪ ኣብቲ ድልድል ነቓዕ ተፈጢሩ ምንባሩ እኳ እንተተገልጸ ፥ ብመሰረት ጋዜጣ ኤል ኡኒቨርሳለ ሰብመዚ መራኸቢታት ነቲ ድልድል ክጽገን ጌሮም እዮም።