ተመራመርቲ ብሪጣንያ ዝጠንተወ ኣሰር ህይወት ጫካ ይረኽቡ

ተመራመርቲ ብሪጣንያ፡ ኣብ ገማግም ባሕሪ ደቡባዊ ምዕራብ ዓዲ እንግሊዝ ኣብ ዝርከብ ኣጻድፍ፡ ኣብ ዓለም ዝጠንተወ ዝተባህለሉ ኣሰር ጫካ ረኺቦም። እዚ ጫካ ኣብ ማይንሄድ ሶመርሰት ኣብ ዝርከብ ሑጻ እዩ ተቐቢሩ ተረኺቡ። ተመራመርቲ ዩኒቨርሲቲታት ካምብሪጅን ካርዲፍን፡ ኣብ ብሪጣንያ ክሳብ ሕጂ ዝተረኸቡ ብዕድመ ዝገደሙ ኣሰራት ህይወት ጥንታውያን ኣግራብን ምዃኖም ገሊጾም ኣለዉ። እቶም “ካላሞፋይተን” ተባሂሎም ዝጽውዕ ኣሰር ህይወት፡ ኣግራብ ስየ እዮም ዝመስሉ። ከም ዓንዲ ዓሌት ናይ ሎሚ ኣግራብ ዝሕሰቡ እዞም ኣሰር፡ ቊመቶም እቶም ዝዓበዩ ካብ ክልተ ክሳብ ኣርባዕተ ሜትሮ እዮም ። እዚ ኣሰር ህይወት ኣግራብ ቅድሚ ኣማኢት ሚልዮናት ዓመታት ጂኦግራፊ ኣብ ምቕራጽ ከምኡ’ውን ገማግም ሩባታትን ገማግም ባሕርን ኣብ ምርግጋእ ዝነበሮም ተራ ዘርእዩ እዮም ኢሎም ኣለዉ ።