Harmony Media መሓዛ ተዛረብቲ ቋንቋ ትግርኛ
ኣብ ክፍሊ መወልዳን ናይ ማእከላይ ሆስፒታል ካርልስታድ ዘሎ ናይ ስራሕ ኩነታት (ሃዋሁ)፡ ብጣዕሚ ትሑት ብምዃኑ፡ ነቲ ንግዲ፡ ናይ 300 ሽሕ ክሮነር ክሳራ ከውርደሉ ከምዝኽእል ዜና SVT Värmland ገሊጹ ክብል ማዕከን ዜና ተተ ሓቢሩ።
ሽወደናዊ በዓል መዚ ናይ ኩነታት ስራሕ፡ ኣብቲ ሆስፒታል ዘሎ ናይ ስራሕ ሃዋሁ ንኽመሓየሽ ኣዘኻኺሩ ምህላዉ ገሊጹ። እቲ ከምሓየሽ ዝሕተት ዘሎ ሸነኽ፡ ኣብ ኣባላትን ክኢላዊ ዓቕሚን ዘሎ ሕጽረት ዘጠቓልል ምዃኑ ተፈሊጡ ኣሎ። ዝኾነ ምምሕያሽ እንተዘይተገይሩ ግን፡ እቶም ሰራሕተኛታት ናይ ሕማም ወይ መጉዳእቲ ሓደጋታት ከንጸላልዎም ተኽእሎታት ኣሎ ክብል እቲ በዓል መዚ ኣጠንቂቑ።