Harmony Media መሓዛ ተዛረብቲ ቋንቋ ትግርኛ
ሰብመዚ ሽወደን ንዝተፈላለዩ ዓይነታት መጥቃዕቲ ሳይበር ንምግጣም ኣዝዩ ዝሓሸ ምድላው ክህልዎም ኣለዎ ክብል ብኤምኤስቢ ዝፍለጥ ኤጀንሲ ሲቪላዊ ሓደጋታት ሽወደን ኣብ ዘውጽኦ ሓድሽ ጸብጻቡ ሓቢሩ። ኣብ መንጎ ሚያዝያ 2019ን መስከረም 2023ን ኤምኤስቢ ካብ መንግስታዊ ጽላት 1,542 ጥርዓናት ሓደጋታት ሳይበር ከም ዝበጽሖ ገሊጹ’ሎ። ካብዚኦም እቶም 250 ፈተነ መጥቃዕቲ ሳይበር ዝምልከቱ ኮይኖም፡ 87% ካብ መንግስታዊ ትካላት፡ 13% ድማ ካብ ወሃብቲ ኣገደስቲ ኣገልግሎታት ዝመጹ እዮም። ብውሕዱ ገለ ቀለልቲ መጥቃዕትታት ክብድሁ ክኽእሉ ኣለዎም ይብል ኣብቲ ትካል ነባር ክኢላ ቴክኖሎጅያዊ ሓበሬታ ማቲያስ ኣንቶንሰን።
Credit: Andreas Hillergren/TT