ሰባት ብምስቓይ ተኸሲሱ ዝነበረ ጀነራል፡ ፕረዚደንት ኢንተርፖል፡ ኮይኑ

ሓደ ዜጋ ኢማራት ዓረብ ዝኾነ ጀነራል፡ ኣቐድም ኣቢሉ፡ ኣብ ናይ ምስቓይ ተግባር ተሓባባሪ ኔርካ ተባሂሉ ተኸሲሱ እኳ እንተነበረ፡ ኣብዚ ሕጂ እዋን፡ ፕረዚደንት ዓለማዊ ወኪል ፖሊስ (ኢንተርፖል) ክኸውን ተመሪጹ ኣሎ።

እዚ ኣሕመድ ናስር ኣልረኢሲ ዝተባህለን ዋና ኢንስፐክተር ሚኒስትሪ ውሽጣዊ ጒዳያት ኢማራትን ብምዃን ዘገልገለ ዜጋ ኣብዚ ትካል ናይ ኣርባዕተ ዓመት ናይ ትርፊ ግዜን ዘይክፈሎን ኣገልግሎት ክህብ እዩ ተባሂሉ’ሎ። ሚኒስተሪ ውሽጣዊ ጒዳያት እታ ሃገር ብፖሊስ ዝፍጸም ግፍዒን ምስቓይን ከም ዝጽየፍ ገሊጹ’ሎ።

ትካላት ሰብኣዊ መሰላት እውን ነቲ ኣቐዲሙ በዚ ጀነራል ዝተፈጸመ ናይ ምስቓይ ክሲ ብምጥቃስ፡ ነዚ ሕጸ ከም ዘይበቅዕ ይገልጻ ኣለዋ። ጀነራል ራኢሲ ነዚ ክሲታት ውጹእ ጠቐነ እዩ ክብል ነጺግዎ’ሎ።