ኣልኮል ዘይብሉ ቢራ ካብ ዕዳጋታት ተኣኪቡ

ስፐንድሩፕስ (Spendrups ) ንሓደ ካብ ፍርያቱ ዝኾነ፡ መለሩድ (Mellerud) ዝተባህለ ዓይነት ቢራ፡ ብሰንኪ ኣብ ኣጸሓሕፋ ዝተረኽበ ጌጋ፡ ካብ ዕዳጋታት ክእክብ ከምዝወሰነ ገሊጹ ክብል ማዕከን ዜና ተተ ኣቃሊሑ።

እቲ ዓይነት ቢራ፡ 4.5% ኣልኮል እንተነበሮ፡ ገለ ካብ ዝፈረዩ ጠራሙዝ ግን፡ ኣልኮል ኣልቦ ዝብል ጽሑፍ ብጌጋ ከምዝተለጠፎ እቲ ኩባንያ ሓቢሩ።

እቲ ጌጋ፡ ብሰንኪ ኣብ መስርሕ መፍረ ዘጋጠመ ቴክኒካዊ ጸገማት ዝተኸስተ ከምዝኾነን፡ እቲ ኣጋጣሚ ድማ ብዕቱብ ተራእዩ፡ ኣብ ቀጻሊ ከምዚ ዓይነት ጌጋ ንኸይፍጸምን በዚ ዘጋጠመ ድማ ሓዚንና ኢና ክብል፡ እቲ ኩባንያ፡ ገሊጹ።

እተን ናይ 33 ሰንቲሊትር ጥራሙዝ ዝርከበኦ ዝበዝሑ ዕለተ ምውዳቖም 7 ሓምለ 2022 ዝኾኑ ፍርያት ቢራ፡ ካብ ዕዳጋታት ከምዝተኣከቡ፡ እቲ ኩባንያ ሓቢሩ።