ኣልጀርያ፥ ብባርዕ ጫካ ኣርባዕተ ሰባት ይሞቱ።

ኣብታ ብጎቦታት እተኸበት ዞባ ካቢልያ (ኣልጀርያ) ብዝተኸስተ ባርዕ ጫካ፡ ኣርባዕተ ሰባት ክሞቱ እንከለዉ ሰለስተ ካልኦት ድማ ቆሲሎም ኣለዉ።

ካቢልያ ካብ ርእሰ ከተማ ኣልጀርያ፡ ኣልጀርስ፡ ብወገን ምብራቕ እትርከብ ዞባ እያ። ብመሰረት ጸብጻባት ሚድያታት መንግስቲ ኣብ ኣይት-የኒ ክልተ ሰባት፡ ሓደ ኣብ ዩክሬን ካልእ ከኣ ኣብ ኣዛዝጋ በቲ ባርዕ ሞይቶም ኣለዉ።

ተቐማጦ እቲ ከባቢ፡ ብስንባደ ካብቲ ከባቢ፡ ብእግሮም እናሃደሙ ዘርኢ ስእሊታትን ቪድዮን ኣብ ማሕበራዊ መራኸቢታት ተዘርጊሑ’ሎ። ዝበዝሐ መሬት ኣልጀርያ በብግዜኡ ነቕጺ የጋጥሞ ምህላዉ ካብታ ሃገር ዝወጹ ጸብጻባት የመልክቱ።