Emergency services have placed supports and a crossbar in an entrance to the affected house to avoid parts of the property collapsing. Foto: Björn Larsson Rosvall / TT kod 9200

ሓቅታት ብዛዕባ ኣብ ዮተቦሪ ዘጋጠመ ምፍንጃር

ሰዓት 04:38 ወጋሕታ፡ ኣብ ዮተቦሪ፡ ከባቢ ኣነዳል (Annedal)፡ ኦቭረ ሁሳርጋታን (Övre Husargatan) ዝርከብ ህንጻ፡ ናይ ምፍንጃር ሓደጋ ከምዘጋጠመ፡ ፖሊስ፡ ሓበሬታ በጺሕዎ።
መጥፋእቲ ሓዊን ህጹጽ ረዲኤትን ኣብቲ ከባቢ ምስ በጽሑ፡ ኣብቲ ህንጻ ዝርከባ ገለ ክፍልታት፡ ጋራጅን ሰለስተ መደያይቦታትን ብትኪ ዒግ ክብሉ ጸኒሖም።
16 ሰባት፡ ሕክምናዊ ኣገልግሎት ንኽረኽቡ ናብ ሆስፒታል ተወሲዶም።
ሰለስተ ደቂ 60፡ 70 ን 80 ዓመት ዝዕድሚአን ደቂ ኣንስትዮን ሓደ ወዲ 50 ዓመት ዝዕድሚኡ ወዲ ተባዕታይን ብድምር ኣርባዕተ ሰባት ብኸቢድ ዝተሃስዩ ነይሮም።
ተቐማጦ ናይ 140 ክፍልታት ናይቲ ህንጻ፡ ካብ ኣባይቶም ወጺኦም ኣለዉ።
እቲ ዝተፈንጀረ ባእታ፡ እንታይን ኣበይን ምዃኑ ክሳብ ሕጂ ዝተረኽበ ንጹር ሓበሬታ የለን።
ፖሊስ፡ መርመራታት የካይድ ኣሎ
ኣብዚ ዓመት’ዚ፡ ኣብ መላእ ሽወደን፡ 60 ናይ ምፍንጃር ሓደጋታት ከምዘጋጠመን ምስቲ ኣብ ዝሓለፈ ዓመት ዝነበረ ፍጻሜታት ክነጻጸር እንከሎ፡ ብ20 ከምዝውሕድ ጸብጻባት ይሕብሩ።