ስራሕን ቁጠባን

ኤውሮፓዊ በዓል መዚ መድሃኒት (EMA)፡ ንፍርያት ኩባንያ ኣስትራ ዘኒካ ዝኾነ ክታበት፡ ኣፍልጦ ከምዝሃበን፡ ኣብ ጥቕሚ ንኽውዕል ከምዘፍቀደን ሓቢሩ ክብል ስቬኒስካ ዳግብላደት ንሓደ ኤውሮፓዊ ምንጪ ብምጥቃስ ኣመሓላሊፉ። ብምሉአን እተን ውዕል ዝተፈራረምናየን ኩባንያታት፡ ፍርያት ክታበተን፡ ኤውሮፓዊ በዓል መዚ መድሃኒት፡ ተፈላጥነት ብምርካበን፡ ሑጉሳት ኢና። ሕጂ ተሪፉ ዘሎ፡ መስርሕ ምርኽኻብ እዩ ክኸውን ክትብል ሚኒስተር ማሕበራዊ ኣገልግሎት ሽወደን፡ ሊና ሃሊንግሪን፡ ገሊጻ። ኤውሮፓዊ በዓል መዚ መድሃኒት፡ …

ኣብ ኢንሾፒን (Enköping) ዝርከብ ፔፓሮትስቦደት (Pepparrotsbadet) ዝተባህለ መሐንበሲ ቦታ፡ ኣብ ውሽጢ’ቲ ህንጻ፡ ክሎሪን ዝተባህለ ጋዝ ብምልሓኹ፡ ብምልኦም ሰራሕተኛታት፡ ካብቲ ቦታ ከምዝወጹ መርበብ ሓበሬታ SVT ኣቃሊሑ። ኣብቲ ማይ፡ እንታይ ምዃኑ ዘይተፈልጠ ኬሚካላዊ ቀመም ብምሕዋሱ፡ እቲ ንሂወት ደቂ ሰባት፡ ኣስጋኢ ዝኾነ ክሎሪን፡ ክፍጠር ተኻኢሉ ክብል ሓላፊ ኣገልግሎት መድሕን፡ ሄንሪክ የኒሹ፡ ገሊጹ። ብምልኦም ሰራሕተኛታት ካብቲ ቦታ ከምዝወጹን፡ ዝወረደ ሓደጋ ከምዘየለን ተፈሊጡ ኣሎ። ናይ …

ኣባላት ኩባንያ SJ፡ ኣብ ምምሕዳር ከተማ ኩምላ (Kumla)፡ ኦሬብሮ፡ ብቐጺሊ ተጻብኦታት ስለዘጋጠሞም፡ ባቡር ናይቲ ኩባንያ፡ ኣብቲ ምምሕዳር ከተማ ደው ምባል ንኸቋርጽ ዘኽእሎ መጽናዕታት ጀሚሩ ከምዘሎ ሓቢሩ ክብል ሬድዮ ሽወደን ሓቢሩ። ኩባንያ SJ፡ ነዚ ጉዳይ ኣመልኪቱ፡ ምስ ፖለቲከኛታትን ፖሊስን ዘካየዶ ኣኼባ፡ ፍረ ከምዘይረኸበሉ ሓላፊ መሸጣታት ኩባንያ SJ፡ ያን ሺርክ፡ ገሊጹ። ኣብ ምምሕዳር ከተማ ኩምላን ሃልስቤሪን፡ ኣብ ልዕሊ ኣባላትና፡ ናይ ቃላት ምፍርራህን …

ካብ ርእሰ ከተማ ሽወደን: ስቶክሆልም: ናብ ርእሰ ከተማ ኖርዌይ: ኦሶሎ: መስመር ፈጣን ባቡር ንምዝርጋሕ ዝቐረበ ሓሳብ: ብወገን ኖርወይ ተቐባልነት ከም ዝረኸበ ተፈሊጡ∷ ሕጂ ተሪፉ ዘሎ: መንግስቲ ሽወደን : ብዛዕባ’ዚ ፕሮጀክይ ዘቕርቦ ውሳነ ጥራይ እዩ ክብል ኣገልግሎት ዜና SVT ሓቢሩ። ቅድሚ ገለ መዓልታት: ሚኒስተር ትሕተ ቕርጺ ኖርወይ: ሃገሩ ኣብ ፕሮጀክት ህንጸት መስመር ባቡር ክትሳተፍ ድልውቲ ምዃና ኣፍሊጡ ኔሩ። “እንድሕሪ ነገራት ብጽቡቕ …

ሆስፒታል ዩኒቨርሲቲ ሶልግሪየንስካ፡ ዮተቦሪ፡ ኣብ ልዕሊ ሓንቲ ስንክልቲ፡ ዕዉት ዝኾነ ናይ ኢድ ምትካል መጥባሕቲ ምክያዱ ተገሊጹ። እዚ ኣብ ሃገራት ኖርዲክ ብዓይነቱ ናይ ፈለማ ከም ምኑ ዝንገረሉ ዕዉት ምልዋጥ ኣካላት ወዲ ሰብ እዩ። እተን ክልተ የእዳው፡ ካብ ሓደ ክፋል ኣካላቱ ዝልግስ ሰብ ዝተረኽባ ኮይነን፡ እታ ስንክልቲ፡ ቅድሚ ገለ ዓመታት፡ ክልተ የእዳዋ  ብሰንኪ ረኽሲ ከም ዝሰኣነተን ተገሊጹ። እቶም ነዚ መጥባሕቲ ዘካየዱ ሓካይም፡ …

ቁጽሪ ናይቶም ኣብ ካልእ ሃገር ተማሂሮም፡ ኣብዚ ሕጂ እዋን፡ ሕክምናዊ ሞያኦም ኣብ ውሽጢ ሽወደን ዘሰላስሉ ዘለዉ ስደተኛታት፡ ኣብ ዓመተ 2020፡ ክብረ ወሰን ክሕዝ ከምዝኸኣለ ተፈሊጡ። ኣብ ዝሓለፈ ዓመት፡ 279 ስደተኛታት ሓካይም፡ ብሞያኦም ንኽሰርሑ ካብ ምምሕዳር ማሕበራዊ ኣገልግሎት ሽወደን፡ ፍቓድ ምርካቦም ተፈሊጡ። ካብ ዓመተ 2011 ጀሚሩ፡ ማእከላይ ገምጋም ቁጽሪ ናይቶም ፍቓድ ዝወሃቦም ዝነበሩ ስደተኛታት ሓካይም፡ 196 ምንባሩ ይዝከር። ሬድዮ ሽወደን፡ ምስ …

ሎሚ ሓሙስ፡ ኣብ ካልማር፡ ኦስተርዮትላንድ፡ ሶደርማንላንድን ስቶክሆሎምን ልዑል መጠን በረድ ክወርድ ምዃኑን ኣብ ስቶክሆሎም ድማ እቲ ኩምራ በረድ ክሳብ 20 ሴንቲሜተር ዝበጽሕ ርጉዲ ዘለዎ ቀጸላ ክፈጥር ከምዝኽእል በዓል መዚ ሜትሮሎጂ ሓቢሩ። ኣቐድም ኣቢሉ፡ ኩምራ በረድ፡ ካብ 10 ክሳብ 15 ሴ.ሜ. ርጉዲ ዘለዎ ቀጸላ  ብምፍጣሩ፡ ኣብ ምንቅስቓስ ናይ ተሽከርከርቲ፡ ከቢድ ጸገም ፈጢሩ ምጽንሑ ይዝከር። ስለዚ፡ መኪና ትመርሑ ሰባት፡ ናይ ምንሽርታት ሓደጋ …