Harmony Media መሓዛ ተዛረብቲ ቋንቋ ትግርኛ

ከተማ ኦስተርሹንድ ፍሉያት ብጫ ዝሕብሮም 'መናብር ዕላል' ተኺላ ። እዞም መናብር ኣብ ሽወደናውያን ዘሎ ክቱር ጽምዋን ናይ ብሕታውነትን ህይወት ንምምካት ክሕግዙ እዮም ዝብል ተስፋ ተነቢርሎም ኣሎ–ብመሰረት ፖለቲከኛ ማሕበራዊ ዴሞክራሲን ከምኡ’ውን ፕረሲደንት ኮሚተ ጥዕናንን ድሕነትን ሽወደን ማርጋረታ ቪንበሪ። ኣብዘን መናበር ኮፍ ምባል ምስ ሓደ ሰብ ከተዕልል ከም እትደሊ ዘመልክት እዩ። “ኲሉ ሰብ ክንገር ዝኽእል ዛንታ ኣለዎ” ትብል ቪንበሪ ምስ ሬድዮ ሽወደን …

ዝሓለፈ ሓሙስ ኣብ ስቶክሆልም ዝተኻየደ ቁርኣን ምቅጻል ዘጠቓልል ሰልፊ ዝወደበ ሰብኣይ፡ ኣንጻር ሓደ ጉጅለ ህዝቢ ናዕቢ ምልዕዓል ዝብል ወንጀል ፈጺሙ ከይከውን ብ ፖሊስ ይምርመር ኣሎ። ድሕሪ’ቲ ተቓውሞ ኣብ ወጻኢ ሃገራት ጸረ ሽወደናዊ ስምዒት ብናህሪ ኣብ ልዕሊ ምምዕባሉ፣ ፍርያት ሽወደን ክእገዱ ጻውዒታት ይቐርብ ኣሎ። በዚ ድማ ኣብ ባቕዳድ ዝርከቡ ሰራሕተኛታት ኤምባሲ ሽወደን ብጸጥታዊ ምኽንያት ናብ ስቶክሆልም ከም ዝተመልሱ ሚኒስትሪ ጉዳያት ወጻኢ …

ዜጋታት ሕብረት ኤውሮጳ ዘይኮኑ ግና ፍቓድ ስራሕ ዝረኽቡ፡ ወይ ድማ ነቲ ዝጸንሐ ናይ ስራሕ ፍቓዶም ከናውሑ ዝደልዩ ሰባት ዝምልከት ሓድሽ ደረት ደሞዝ ኣብዚ ቀውዒ ኣብ ግብሪ ክውዕል ምዃኑ ተፈሊጡ። እቲ ሓድሽ ዝተሓተ ደሞዝ ኣብ ወርሒ 26,560 ክሮና ክኸውን እዩ። በዚ ድማ ኣባል ሃገራት ኣውሮጳዊ ሕብረት ዘይኮኑ ሰባት ናይ ስራሕ ፍቓዶም ንኽሕደስ ወርሓዊ ኣታዊኦም ካብዚ ዝተጠቕሰ ኣሃዝ ዝበዝሕ ክኸውን፡ ወይ ድማ …

ኣስታት 1000 ብሓኪም ዝእዘዙ መድሃኒታት ዋጋኦም ክኸብር ይኽእል እዩ ተባሂሉ። ኤጀንሲ መልዕሎ ስኒን መድሃኒትን ሸወደን ፥ ፋርማሲታት ንፍርያት ዝኸፍላኦ መጠን ክልዕል ብምግባሩ እዩ እዚ ክብሪ መድሃኒታት ተኸሲቱ ዘሎ። እቲ ኤጀንሲ እዚ ዝገበረሉ ምኽንያት ከምኒ ጸረ-ተሃዋስያን –ኣንቲባዮቲክስ–ዝመሰሉ ኣዝዮም ኣገደስቲ መድሃኒታት ተረከብቲ መታን ክኾኑ እዩ ክትብል ሓላፊት እቲ ትካል ሴሲልያ ፍሮስተጋርድ ትገልጽ። እዚ ገደብ ዋጋ ክልዕል እንተዘይተጌሩ፥ ሽወደን ዝተወሰኑ መድሃኒታት ጠቕሊላ ክትስእን …

ብቕድሚ ትማሊ ረቡዕ ኣብ ኮሙን ኦረብሮ ኣብ ኣፍደገ ቤት ትምህርቲ ሓደ ሰብኣይ ብጥይት ተወቒዑ ናብ ሆስፒታል ድሕሪ ምብጽሑ ምሟቱ ተገሊጹ። እቲ ተኹሲ ከባቢ ሰዓት 7፡00 ድሕሪ ቀትሪ እዩ ተፈጺሙ። ኣብቲ ከባቢ እትነብር ሓንቲ ኣደ፡ ኣብቲ እዋን’ቲ ደቃ ንበይኖም ምውጽኦም ኣሻቒልዎ ምንባሩ ፡ ንናይ ከባቢ ቻነል ሬድዮ ሽወደን ሓቢራ። ምስዚ ቅትለት ብዝተኣሳሰረ ዛጊት ኣብ ትሕቲ ቀይዲ ዝኣተወ ሰብ የለን፡፡

ከም ግብረመልሲ ናይቲ ትማሊ ሓሙስ ቀትሪ ኣብ ኣፍደገ ኤምባሲ ዒራቕ ኣብ ስቶክሆልም ዝተኻየደ ሰልፊ፥ ዒራቕ ኣብ ባግዳድ ዝርከብ ኣምባሳደር ሽወደን ካብታ ሃገር ክወጽእ ኣዚዛ’ላ። ብዘይካዚ ዒራቕ ኣብ ሽወደ ንዝርከብ ላዕለዋይ ዲፕሎማት (ቻርጅ- ዲፌ) ናብ ዓዳ ጸዊዓ’ላ። ብተወሳኺ ሽወደናዊ ኩባንያ ኤሪክሰን ኣብ መሬት ዒራቕ ንኽሰርሕ ተዋሂብዎ ዝነበረ ፍቓድ ከም ዝሰሓቡ ቻነል ዜና ኣል-ዓረብያ ሓቢሩ። ፖሊስ ስቶክሆልም ነቲ ሰልፊ ክካይድ ምፍቃዱ፡ እዚ …

መሪሕነት “ህዝባዊ ሰልፊ ሽወደን”፡ ብቀዳማይ ሚኒስተር ፔተሪ ኦርፖ (ኤንሲፒ) ዝምራሕ ጥሙር መንግስቲ ዘጋጠሞ ጸገማት ንምዝታይ ትማሊ ተጋቢኡ። “መሪሕነት ሰልፊ ምስቲ ዝሓለፈ ሰሙን ብጉጅለ ባይቶ ዝተቐበሎ መርገጺ ከም ዝሰማማማዕን፥ እቲ ኩነታት ከም ዘይተቐየረን ኣስተብሂሉ’ሎ። ኣብ መንጎ ኣርባዕቲኦም ኣቦ መንበራት ውድባት ዘተ ክቕጽል እዩ” ክትብል ሚኒስተር ትምህርቲ ኣና-ማጃ ሄንሪክሰን ኣብ ዝሃበቶ ሓጺር ጋዜጣዊ ዋዕላ ገሊጻ። እቲ ኣኼባ ንመሪሕነት ሰልፊ ብዛዕባ መንግስቲ ሓበሬታ …

መንግስቲ ሰነድ ዘይብሎም ስደተኛታት ብኣውቶቡሳት፣ ባቡራትን ጀላቡን ናብ ሽወደን ከይጓዓዙ ክኽልክል ድሌት ከም ዘለዎ ገሊጹ። ነዚ ዝምልከት እማመ ንኽምርመር ናብ ዝምልክቶም ተላኢኹ ኣሎ፡ እዚ ማለት ድማ ​​መንግስታዊን ካልኦትን ትካላት ብዛዕባኡ ርእይቶኦም ከካፍሉ ዕድል ክወህቦም እዩ። እቲ ሕጊ ብዙሓት ስደተኛታት ናብ ሽወደን ብምእታዎም፥ ክኽሰት ዝኽእል ምዝባዕ ህዝባዊ ስርዓትን ውሽጣዊ ድሕነት ንምሕላው ኣብ ጠቕሚ ክውዕል እዩ ተባሂሉ’ሎ። ኣብ 2015 ሽወደን ኣዝዮም ብዙሓት …

ኣብ ካልኣይ ርብዒ ዓመት ናይዚ ሒዝናዮ ዘሎና ዓመት፥ ኣርባዕተ ዓበይቲ ባንክታት ሽወደን ብድምር፥ ልዕሊ 50 ቢልዮን ክሮና መኽሰብ ረኺበን። ሃንድለስባንከን 8.8 ቢልዮን፥ ኖርዲያ 19.9 ቢልዮን፥ ኤስኢቢ 12.1 ቢልዮን ፥ ስዊድባንክ ኸኣ 11.4 ቢልዮን ክሮና መኽሰብ ኣመዝጊበን ኣለዋ። ጠቕላላ መኸሰብ እዘን ባንካታት ኣብ ውሽጢ ሰለስተ ኣዋርሕ 50 ቢልዮን ክሮና ኮይኑ፡ መዓልታዊ ብድምር 500 ሚልዮን ክሮና መኽሰብ ይረኽባ ምህላወን ዘመልክት እዩ። መኽሰበን …