Harmony Media መሓዛ ተዛረብቲ ቋንቋ ትግርኛ

ኣብ ኒውዚላንድ ኣብ ክልተ መሳጊድ ክራይስትቸርች ብዝተፈጸመ ቅትለት 49 ሰባት ድሕሪ ምሟቶም ኣብ ሽወደን ናይ ዓርቢ ሰላት ዝገብሩ ማሕበረሰብ እስላም ስግኣት ከም ዝሓደሮም ገሊጾም። “እዚ ዜና ብሓቂ ዘርዕድ እዩ። ኣብ ሽወደን ይኹን ካልእ ምዕራባዊ ሃገር ከጋጥም ዝኽእል መጥቃዕቲ እዩ። ሕሉፋት ሰባት ኣጀንዳ ክቐርጹ ዕድል እንተረኺቦም መወዳእትኡ እዚ እዩ ዝኸውን፡ ንሕናን ንሳቶምን እናበልካ ምፍልላይ ምፍጣር” ይብል ኣባል ሶሻል ዲሞክራትስ ነበር Omar …

ቀዳማይ ሚኒስተር Stefan Löfven ነቲ ኣብ ክራይስትቸርች ኒውዚላንድ እተፈጸመ ቅትለት ንጹሃን ኣስላም ኮኒንዎ። ንሱ ብዓርቢ ኣብ ዝሃቦ ጋዜጣዊ መግለጺ “ናይ ፈራሃት ተግባርነ ዘስካሕክሕ ጭካነን” ክብል ገሊጽዎ’ሎ። እንተኾነ ግና ፈጻሚ እዚ ቅትለት ኣብ ስቶክሆልም ብግብረሽበራውያን ናይ እተቐትለት ጓል 11 ዓመት ህጻን ሕነ ክፈዲ እዩ ውዒልዎ ንዝብል መግለጺ መልሲ ክህበሉ ኣይደልየን። ብሓሙስ ወኪል ስለያን ጸጥታን ሽወደን Säpo ብዛዕባ ጸጥታ ሽወደን ኣብ ዘቕረቦ …

ስለምንታይ ኢና ከኒና ንብል? ኮካ መኣስ ተማሂዙ? ኣብ ሃገርና ንዝኾነ ዝወሓጥ መድሃኒት ከም ታብለት ወይ ካፕሱል፡ ከኒና ኢና እንብሎ። እንታይ እዩ ምኽንያቱ? ልዕሊ ሚእቲ ዓመት ይገብር ሕማም ዓሶ ንወድሰብ ኪውድእ ከሎ፡ ገለ ተመራመርቲ ሓደ ኣዚዩ መሪር ዝኾነ ኣብ ላቲን ኣመሪካ ዚርከብ ልሕጺ ኦም፡ ንዓሶ ከም ዘሕዊ ወይ ከም ዘዐግስ ፈሊጦም። ምናልባት ካብቶም ደቀባት ወሲዶምዎ ይኾኑ። ስም ናይቲ ፈውሲ ክዋይናይን እዩ …

ሓሙስ ኣብ ፈለማ ሰዓታት ወጋሕታ ናብ ታሽዓይ ክፍሊ ተመሃሮ ወረቐት መርመራ ብቐጥታ ምዝራቚ ተገሊጹ። ኣቐዲሞም ተመሳሰልቲ ምዝራቚ መርመራ ምንባሩን ካብ ዝሓለፈ ጽድያ ጀሚሩ ሃገራዊ ወኪል ትምህርቲ ነዚ ንምዕጋት ቀጻሊ ናይ ጸጥታ ስርሓት ከዋድድ ምጽንሑ ይፍለጥ። ሓላፊ ሃገራዊ ወኪል ትምህርቲ Anders Boman ምስ ፌስቡክ እተገብረ ርክብ ኣዎንታዊ ውጽኢት ክህልዎ እዩ ዝብል ግምት ከም ዘለዎ ገሊጹ’ሎ።

መዓርፎ ነፈርቲ Arlanda ስቶክሆልም ኣብ ልዕሊ ቦይንግ ማክስ 737 ብዝተገብረ እገዳ 20 ዝኾና በረራታት ከም እተኣጓጐላ ገሊጹ። ኣብ ኢትዮጵያ ብሰንኪ ምሕምሻሽ ኣውሮጳዊ በዓል መዚ በረራ ብሰሉስቦይንግ ማክስ 737 157 ሰባት ህይወቶም ድሕሪ ምስኣኖም ኣብ ዘውጽኦ እገዳ ብፍላይ ዓማዊል መንገዲ ኣየር ኖርዌይን TUI ይን ከም እተሃስዩ ይፍለጥ። ብፍላይ ኖርዌይ ሓደ ዕስሪት ካብ ነፈርታ ኣብ ጋራጅ ክጸንሓ ዝገብር ውሳነ ኮይኑ ናብ ካልእ …

ኣብ ክራይስትቸርች ኒውዚላንድ ኣብ ክልተ መሳጊድ ብዝተገብረ ናይ ተዂሲ ኣርብዓን ትሽዓተን ሰባት ምሟቶምን እዚ ኣብ ታሪኽ እታ ሃገር እተራእየ ዝዓበየ ህልቂት ምዃኑን ተገሊጹ። ቀዳማይ ሚኒስተር ጃኪንዳ ኣርደን ነዚ ተግባር ግብረሽበራዊ ድሕሪ ምባል ኣብ ታሪኽ ኒውዚላንድ ጸልማት መዓልቲ እያ ኢላ። ኣውስትራልያዊ እየ በሃላይ ዕጡቕ ኣብ ፌይስቡክ ኣብ ዝለጠፎ ሓበሬታ ዓሌታውን ጸረ-ስደተኛታትን መልእኽቲ ብቐጥታ ኣመሓላሊፉ’ሎ። እዚ ሰብ ኣብ ዕስራታት ዕድመ ዝርከብ ኮይኑ …

ኣብ ልዕሊ ኣቦይ ዝዘንብ ዘሎ ክሲ ጾታዊ ዓመጽ ክከላኸል ግደ የብለይን ክትብል ጓል ማይክል ጃክሰን ፓሪስ ጃክሰን ገሊጻ። ማይክል ጃክሰን ኣብ ልዕሊ ህጻናት ጾታዊ ዓመጽ ይፍጽም ምንባሩ ዘርኢ ሊቪንግ ነቨርላንድ ዝተባህለ ሰናዲ ቪድዮ ድሕሪ ምፍናዉ እያ ነዚ ዝበለት። ጓል 20 ዓመት ፓሪስ ናይ ኣቦኣ ስም ንምንጻህ ኣብ ዝግበር ወፍሪ ሓገዝ ክትገበር ምዃና ተዛሪባ’ላ። ኣብ ሞዴልነት እትሰርሕ ፓሪስ ኣብ ብሓሙስ ኣብ …

ክንሰርሕ ዲና ንነብር ወይስ ክንነብር ኢና ንሰርሕ ዝብል ሕቶ ወትሩ ኣብ መዓልታዊ ህይወትና ምላሽ ክንረኽበሉ ንተሓታተተሉ ኣርእስቲ ክኸውን ይኽእል እዩ። ኣብ ሕብረተሰባት ናይ ገለ ከባቢታት ዓለም፣ ሰባት ንኽሰርሑ ከም ዝነብሩ ይኣምኑ። ኣብ ገለ ካልኦት ከኣ ንኽንነብር ኢና ንሰርሕ ይብሉ። ወድ ሰብ ብባህሪኡ ክሰርሕን ክሃልኽን በሃላይ እዩ። ንብድሆታት ህይወት ብስራሕ ሰጊሩ ናይ ዓወት መንፈስ ክስመዖ ይደሊ። ሰሪሕካን ኣፍሪኻን ክብረትን ትርጉም ዘለዎ …