ዜና

መንግስቲ ስራሕ ንዘይብሎም ስደተኛታት ኣመልኪቱ፥ ንጹር ምልከት ቋንቋ ሽወደን፡ ከምኡ’ውን ርእስኻ ምኽኣል ዝብሉ ጠለባት ከቕርብ ውጥን ከም ዘለዎ፡ ጋዜጣ “ዳገንስ ንሂተር” ገሊጻ። ምውህሃድ ስድራቤታት ኣብዞም ጠለባት ዝተሞርከሰ ክኸውን እዩ ክብል፥ ኣባል ሰልፊ ሊበራል ዝኾነ ሚኒስተር ሽቕለትን ምውህሃድን ጆሃን ፐርሾን፥ ነታ ጋዜጣ ሓቢሩ’ሎ። ሰባት ብኸመይ እዮም ኣብ ዕዳጋ ሽቕለት ሽወደን ዕዉታት ክኾኑ ዝኽእሉ ዝብል መርመራ ይካየድ ኣሎ ዝበለ እቲ ዜና፡ ፖሊሲ …

ኣብ ርእሰ ከተማ የመን–ሰንዓ–“ዘካ” ኣብ ዝዕደለሉ እዋን–ኣብ ሓደ ቤት ትምህርቲ ብሰንኪ ዘጋጠመ ጽቕቅጥ፥ ብውሑዱ 78 ሰባት ምሟቶም ሰብመዚ እታ ሃገር ገሊጾም። “ባብ የመን” ኣብ ዝተባህለ ቦታ፥ ብሰንኪ ጽቕቕጥ ሰባት ምንቅስቓስ ስኢኖም እናተጨነቑ፥ ኣማኢት ሰባት ከኣ ወዲቖም፡ ዘርኢ ተንቀሳቓሲ ስእሊ ብ ተሌቪዥን እታ ሃገር ተዘርጊሑ’ሎ። ኣማኢት ሰባት ነዚ ብነፍሲወከፍ ክንዲ $9 ዝዋግኡ “ዘካ” ክቕበሉ፥ ናብ ቀጽሪ ቤት ትምህርቲ ብምእታዎም እዩ እዚ …

መንግስቲ ኣብ ገለ ናይ ጽገና ኣገልግሎታት ቀረጽ “ቫት” ክውስኽ ምግባሩ ኣዘራራቢ ኮይኑ’ሎ። እዚ ን ጽገና ብሽክለታ፡ ሳእኒን ክዳውንቲን ዘጠቓልል ወሰኽ ቀረጽ ቫት ካብ ምጅማር እዚ ሒዝናዮ ዘሎና ወርሒ ካብ 6 ናብ 12% ክብ ክብል ተጌሩ’ሎ። እዚ ወሰኽ ቀረጽ ቫት ካብ ትጽቢታ ወጻኢ ምዃኑ ሰራሒት ጫማን ኣደመንበር “ማሕበር ሰራሕቲ ጫማ ሽወደን” ን ካሪና ኤነሮዝ ትገልጽ። ኣባል ሰልፊ ሞደራትናን ኣቦመንበር ኮሚተ ፋይናንሳዊ …

ወቕቲ ስፕሪንግ (ጽድያ) ኣብ መብዛሕትኡ ክፋላት ሽወደን ምእታዉ ተገሊጹ። ርግጽ’ዩ፥ ጽድያ እንታይ ይመስል ዘለኻዮ ክፋል ሽወደን ይውስኖ እዩ። ኣብ ኖርበተን፡ ብለኪን፡ ሃርየዳለንን ሃላንድን ዘለዉ፥ ብርግጽ ኣብ ወቕቲ ጽድያ ምህላዎም ጭቡጥ ምልክታት ከም ዘሎ እዮም ዝዛረቡ። ክኢላታት ስነ-ክሊማ ሽወደን ብወገኖም፥ ናይ ባዕሎም መግለጺ ወቕቲ ጽድያ ኣለዎም። ኣብ እትነብረሉ ዞባ ንሾብዓተ ተኸታተልቲ መዓልታት ልዕሊ ባዶ ዲግሪ ሼልሰስ ሙቐት እንድሕር ተራእዩ–ብርግጽ ኣብ ወቕቲ …

ሰራዊት ሽወደን ንሃገሩ ካብ መጠነ ሰፊሕ ናይ ወጻኢ ወራር ንኽከላኸል፥ ብርቱዕ ሓይሊ ኣየርን ደገፍ ጎረባብቲ ሃገራት ኖርዲክ ን ኔቶን ከም ዘድልዮ ተገሊጹ። ድሕሪ ሰላሳ ዓመታት፥ ኣብ መሬት ሽወደን ኣብ ዝካየድ ዘሎ ዝዓበየ ወተሃደራዊ ልልምድ፡ ኣብ ኡፕሳላ ኣብ ዝርከብ መዓስከር ሓይሊ ኣየር ሽዱሽተ ስኳድሮናት፥ ናይ “39 ደልታ” ዝዓይነተን ነፈርቲ ኲናት ምርኢት ኣካዪደን ኣለዋ። "ካብ ዝሓለፈ ዓመት ንደሓር፡ ኣተሓሳስባና ከምቲ ዝነበሮ ክኸውን …

ምስ ህሉው ልዑል ጠለብ ጸዓት ኤለትሪክ፡ ብመንግስቲ ዝውነን ኲባንያ “ቫተንፎል”፥ ኣብ ኣርባዕተ ቦታታት ሽወደን ናይ “ሃይድሮ- ኤለትሪክ” መደብራት ክተክል መደብ ከም ዘለዎ ሓቢሩ። እዚ ኲባንያ ንውጽኢታውነት ናይተን ክሳብ ሕጂ ኣብ ሰሜናዊ ሽወደን ዝዓያ ዘለዋ መደብራት “ኡሜ” ን “ሉለ” ን ክውስኽ ድሌት ከም ዘለዎ ወሲኹ ገሊጹ’ሎ። መንግስቲ ነዚ ተበግሶ ብሓጎስ ከም ዝቕበሎ ክገልጽ እንከሎ፡ ኣባል ሰልፊ ሊበራል ዝኾነት ሚኒስተር ኣከባቢ ሮሚና …

ስድራቤት ኣብ ጒጅለ ገበን ዝሳተፍ መንእሰይ፥ ብሰንኪ ጎነጻዊ ተግባራት ወዶም ውዕል ናይቲ ኣብ ስቶክሆልም ከባቢ ጃርቫ ዝርከብ ቤቶም ተሰሪዙ። እዚ ዝተባህለ፥ ቤት ፍርዲ ይግባይ ስቭያ ብዝሃቦ ብይን እዩ ክትብል መጽሔት ማሕበር ተኻረይቲ ሽወደን “ሄም ኦሽ ሂራ” ጸብጺባ። ወዶም፥ ካብ ቤቶም ውጽእ ኢሉ ኣብ ዝርከብ መተሓላለፊ መንገዲ ኮይኑ፥ ብርክት ዝበለ ጠያይቲ ብምትኳስ፥ ሓደ ሰብ ክቐትል እንከሎ ካልእ ድማ ምቚሳሉ እታ መጽሔት …

ቤት ፍርዲ ኢራን ን 10 ኣባላት ምክልኻል እታ ሃገር ፈሪዱ። እዞም ኣባላት ምክልኻል ኢራን፥ ኣብ 2020 ሓንቲ ናይ ተጓዓዝቲ ነፋሪት ካብ ርእሰ ከተማ እታ ሃገር ውጽእ ኢልካ ኣብ ዝርከብ ከባቢ ወቒዖም ብምጥሓሎም እዮም ተኸሲሶም ጸኒሖም። ኢራን ብጌጋ ንዝተወቕዐት ነፋሪት ገያሾ ኣመልኪታ ምሉእ ሓላፍነት ምውሳዳ ዝፍለጥ እዩ። ኣብታ ነፋሪት ኣብ ዝነበሩ 176 ገያሾ፥ እቶም 17 ዜጋታት ሽወደንን ፍቓድ መንበሪ ሽወደን ዝሓዘኡን …

ኣብ እዋን ኲናት ወይ ልዑል ናይ ተጠንቀቕ እዋን፥ ቆልዑን ኮተቴን ብዝተኻእለ መጠን ካብ ቤት ትምህርቲ ከይቦኽሩ ክሕሰበሉ ከም ዝግባእ ተገሊጹ። በዚ ድማ ኣብያተ ትምህርቲ ክኽሰት ንዝኽእል ዝተፈላለየ ዝዓይነቱ ናይ ቅልውላው ኲነታት ንምቕባል ድሉዋት ክኾና ይግባእ ተባሂሉ’ሎ። እዚ ማለት፥ ኣብ ቀረባ ዝርከብ መዕቆቢ ምልላይ፡ ናይ ማይ ምትሓዚ ምድላው፡ ከምኡ’ውን ጸዓት ኣብ ዝጠፍኣሉ ብኸመይ መግቢ ተዳሉ ዝብልን ካልእን ዘጠቓልል እዩ። ኣብ መንጎ …