ዜና

ሓደ ወዲ 15 ዓመት ተማሃራይ፡ ናይ ትምህርቲ ስእሊ ንኽሰኣል፡ ኣብ ክሳዱ ኣንጥልጢልዋ ዝነበረ መስቀል ንኸውጻኣ ከምተገደደ፡ ኣንጻር ጉዳያት ዓሌትነት ዝጣበቕ ተሓላቕ ፍትሒ ገሊጹ። እታ ሰኣሊት፡ ናይ ትምህርቲ ስእሊ ንኽትሳኣል፡ እታ ኣብ ክሳድካ ዘላ መስቀል ኣውጽኣያ ኢላትኒ፡ ኣነ ውን ከምቲ ዝበለትኒ ጌረ ክብል እቲ ህጻን ከምዝሓበረ መርበብ ሓበሬታ ተተ (TT) ኣመሓላሊፉ። ነቲ ጉዳይ ኣመልኪታ፡ እቲ ኩነት ክኸውን ዘይግበኦ እዩ ነይሩ፡ እንተኾነ …

ቀዳመይቲ ሚኒስተር ፊንላንድ፡ ሳና ማሪን፡ ምስ ድሒራ ብኮሮና ቫይረስ ከም ተለኽፈት ዝፈለጠት ሰብ ተራኺባ ስለዝነበረት፡ ኣኼባ መራሕቲ ሃገራት ኤውሮፓዊ ሕብረት ገዲፋ፡ ናብ ሃገራ ተመሊሳ ክብል መርበብ ሓበሬታ ተተ (TT) ገሊጹ። ቀዳመይቲ ሚኒስተር ፊንላንድን ዴኒማርክን ኣቐዲመን፡ ነቲ ብኣካል ተረኺብካ ዝካየድ ኣኼባ መራሕቲ ሃገራት ኤውሮፓዊ ሕብረት ተቛዊመን ምንባረን ይዝከር። ቀዳመይቲ ሚኒስተር ዴኒማርክ፡ ሚት ፍሬድሪክሰን፡ ምስቶም ኣብ ብሮክሲል ዝርከቡ ዴኒማርካውያን ጋዜጠኛታት ዝገበረቶ ርክብ፡ …

ትማሊ ሓሙስ ምሸት፡ ፖሊስ፡ ኣብ ሓደ ኣብ ሄስትሆገን (Hästhagen) ዝርከብ መንበሪ ገዛ፡ ዝተፈላለዩ ዓይነት ኣጽዋር ረኺቡ ክብል SVT ኣመሓላሊፉ። ናይ ተፍቲሽ  ስርሒት ንኸነካይድ ዘገደደና፡ እቲ ካብ ሓደ፡ ኣብ ትሕቲ መርመራ ፖሊስ ዝርከብ ሰብ፡ ዝረኸብናዮ ሓበሬታ እዩ ክትብል ወሃቢት ቃል ፖሊስ፡ ኢቭሊና ኦልሰን ሓቢራ። ብርክት ዝበላ ኣሃዱታት ፖሊስ፡ ካብ ከባቢ ሰዓት 5 ናይ ምሸት ጀሚረን፡ ኣብቲ ከባቢ ተፍቲሽ ከካይዳ ድሕሪ ምምሳይ፡ …

ብስም ክፍሊት ግብሪ ኬሚካላዊ ባእታ ዝፍለጥ፡ ኣብ ልዕሊ ክዳውንትን ጫማታትን ዝብየን ሓድሽ እማመ ክፍሊት ግብሪ ንኽትግበር፡ መንግስቲ፡ ርእይትኡ ኣቕሪቡ። እዚ ዝኾነሉ ምኽንያት፡ ኣብ ክዳውንትን ጫማታትን ዝውሰኽ መርዛም ኬሚካላዊ ባእታ ንምውጋድን ሃላኽነት ናይቶም ከምዚ ዓይነት ኬሚካል ዘለዎም ፍርያት ንምንካይን ዝዓለመ እዩ። ኩባንያታት መፍረ ክዳውንቲ ብወገኖም፡ እዚ ሓድሽ እማመ ክፍሊት ግብሪ፡ ንዓመታዊ ወጻኢታትና ዝውስኽ ስለዝኾነ፡ ንዋጋታት ናይቲ ፍርያት ከዛይዶ እዩ ክብሉ ከምዝሓበሩ …

ጓሎም ንዳኒኤል ፔሪን ሶፍያ ዮሃንሶንን ዝኾነት፡ ኢዛቤላ ዝተባህለት ዕሸል፡ ናብ ዓለም ንኽትመጽእ ዝተሃወኸት ክትመስል፡ ወለዳ ናብ ሆስፒታል ቅድሚ ምብጽሖም፡ ኣብቲ ብE22 ዝፍለጥ ጽርግያ (ሃይወይ)፡ ጩራ ጸሓይ ክትርኢ ክኢላ ክብል መርበብ ሓበሬታ SVT ሓቢሩ። እቲ ዝነበረ ኩነታት፡ ዝተሓዋወሰ ስምዒታት ዝፈጥር እዩ ኔሩ። በቲ ሓደ ሸነኽ ናይ ታሕጓስ፡ በቲ ኻልእ ሸነኽ ድማ ናይ ተርባጽን ፍርህን ስምዒታት ዝተፈጥረሉ ህሞት እዩ ኔሩ ክብል ዳኒኤል …

ቤት ጽሕፈት ሚኒስትሪ ወጻኢ ጉዳያት ሽወደን፡ ነቶም ናብ ስዑዲ ዓረብ ክገሹ ዝሓስቡ ዜጋታታ፡ ብሰንኪ ኣብ መንጎ ክልቲአን ሃገራት ተኸሲቱ ዘሎ ኩነታት፡ ካብ ዶብ የመን ክሳብ 50 ኪሎ ሜትር ኣብ ዘሎ መሬት ስዑዲ ዓረብ ንኸይገሹ መኺሩ ክብል መርበብ ሓበሬታ ተተ (TT) ኣመሓላሊፉ። ሚኒስትሪ ወጻኢ ጉዳያት ሽወደን፡ ብሰንኪ ለበዳ ኮሮና ዝፈጠሮ ቅልውላው፡ ካብ ወርሒ መጋቢት ጀሚሩ፡ ዘይተደልዮ መገሻታት ናብ ስዑዲ ዓረብ ይኹን …

ኣባላት ኤውሮፓዊ ሕብረት ዝኾና ሃገራት፡ በብዝመስለን ኣገባብ ናይ መገሻ ወይድታት ከተግብራ ምጽነሀን ይፍለጥ። እንተኾነ፡ እዞም ኣገባባት እዚኣቶም፡ ንመስመራት መንገዲ ኣየር፡ ዘየቕስን፡ ኮይኑ ጸኒሑን ኣሎን። ሚኒስተራት ወጻኢ ጉዳያት፡ ኣባላት ኤውሮፓዊ ሕብረት ዝኾና ሃገራት፡ ሎሚ ኣብ ሎክሰምቦርግ ዝተኻየደ ኣኼባ፡ ንቀይድታት መገሻ ዝምልከት ግዴታዊ ዘይኮነ ሓባራዊ መምዘኒታት ክኽተሉ ተሰማሚዖም ኣለዉ። እቲ ሓባራዊ መምዘኒታት ዝበሃል፡ ሃገራት ኤውሮፓዊ ሕብረት፡ ሓቀኛ ዝኾነ ብደረጃ ምምሕዳር ዝቐርብ ንለበዳ …