Harmony Media መሓዛ ተዛረብቲ ቋንቋ ትግርኛ
ኣብዚ ቀረባ እዋን ኣብ ስራሓት ህንጻ ድሕሪ ዘጋጠመ ሓያሎ ሞት ዘስዓበ ሓደጋታት፡ ብዛዕባ እቶም ኣብ ፕሮጀክትታት ህንጻ ዝውዕሉ ዘለኡ ንኡሳን ኮንትራክተራት ዳግማይ ዘተ ይካየድ ኣሎ። ብመሰረት ጸብጻብ ማሕበር ሰራሕተኛታት ባይግናድስ፡ ኣብቲ ዝሓለፈ ሰኑይ ብሓደጋ ሊፍት ሓሙሽተ ሰባት ዝሞቱሉ ኣብ ሱንድባይበርግ ዝርከብ ህንጻ 119 ንኡሳን ኮንትራክተራት ተመዝጊቦም ኣለዉ። እቲ ማሕበር፡ ጠንቂ ናይቲ ኣብ ሳንድባይበርግ ዘጋጠመ ሓደጋ እንታይ ምዃኑ ግምቱ ክህብ ከም ዘይደሊ እንተኾነ ግና ብሓፈሻ ኣብ ሓደ ቦታ ብብዝሒ ንኡሳን ኮንትራክተራት ምህላዎም ዝያዳ ሓደጋ ከም ዘስዕብ ገሊጹ’ሎ።
Credit: Magnus Lejhall