ሳክስፎኒስት: ኑብያ ጋርሲያ: ኣቓልቦ ትስሕብ

ብሪጣንያዊት ሳክስፎኒስት: ሙዚቃ ጃዝ: ኑብያ ጋርሲያ: ኣብ ሳመር ናይ 2021 ብፍላይ ብክእለታ ዓብዪ ኣድናቖት ከም ዝረኸበት ጸብጻብ ቢቢሲ ኢንተርቴይንመንት ሓቢሩ።

ተወላዲት ካምደን ዝኾነት ኑብያ: ብፍሉይ ምልከት እዚ መሳርሒ ሙዚቃ: ክሳብ ተሓጻዪት ሽልማት ሜርኲሪ ንምዃን በቒዓ’ላ። ዝሓለፈ ረቡዕ ኣብ Albert Hall ክትጻወት ዕድል ከም እተዋህባ እቲ ዜና ወሲኹ ኣመልኪቱ። ንሳ ነዚ ኣመልኪታ ኣብ ዝሃበቶ ቃል: ብቐጥታ ዝጽወት ሙዚቃ: መግቢ መንፈስ እዩ: ን 18 ኣዋርሕ ብሰንኪ ለበዳ ነዚ መቐረት ህይወት ተኾኒንና ኢና ኔርና ኢላ። ውጽእ ኢልካ እትፈትዎ ሙዚቃ ምስትምቓር ምኽኣል ብቐንዱ ሓርነት እዩ” ክትብል እዛ 29 ዝዕድሜኣ ኮኾብ ሳክስፎኒስት ትገልጽ።