ኣሜሪካ፡ ኣብ ልዕሊ ሽወደን ኣንቢራቶም ዝነበረት ቀይድታት ኮቪድ፡ ተትርር

ሕቡራት መንግስታት ኣሜሪካ፡ እቲ ቅድም ክብል ብሰንኪ ምስፍሕፋሕ ቫይረስ ኮሮና ናብ ሽወደን ኣብ ልዕሊ ዝግበሩ ጉዕዞታት ዝነበረ መጠንቀቕታ፡ ካብ ምድብ 3 (ዝለዓለ ሓደጋ) ናብ ምድብ 4 (ኣዝዩ ዝለዓለ ሓደጋ) ተኽርሮ ከምዘላ ኣፍሊጣ። ማልታን ሞልዶቫን እውን ካብ ምድብ 3 ናብ ምድብ 4 ከም ዝተሰጋገራ ክፍለጥ ተኻኢሉ’ሎ።

ይኹን እምበር፡ ድሮ መብዛሕትአን ኤውሮጳውያን ሃገራት እንትርፊ ኣልባንያን ኮሶቮን፡ ኣብ ምድብ 4 እየን ዝርከባ። ሕቡራት መንግስታት ኣሜሪካ ንባዕላ፡ ኣብቲ ኣዝዩ ዝለዓለ ናይ ሓደጋ ምድብ ማለት ድማ ኣብ ምድብ 4 እያ ትርከብ።

በዓል መዚ ተቖጻጻሪ ተመሓላለፍቲ ሕማማት ኣሜሪካ (CDC)፡ ኣብ ገጻት መርበብ ሓበሬትኡ፡ ገያሾ ናብ ምድብ 4 ዝኾና ሃገራት ንኸይከዱ ከምዘተሓሳሰበ ኣፍሊጡ። ጒዕዞኦም እንድሕር ዘይተርፍ ኮይኑ ግና ገያሾ፡ ክትባት ኣንጻር ኮቪድ-19 ንኽወስዱ የታሓሳስብ።

እዚ ናይ ሽወደን ናብ ምድብ 4 ክብ ምባል ግና፡ እቶም ካልኦት ኣብ ሞንጎ ኣሜሪካን ሽወደንን ዝነበሩ ሕጊታት ናይ ጉዕዞ ይቕየሩ ማለት ኣይኮነን።