ሓያሎ ኖርወጃውያን ኣብ ቓዛ ይርከቡ

ሚኒስትሪ ጉዳያት ወጻኢ ኖርወይ፡ ልዕሊ 20 ምስ ኖርወይ ሕጋዊ ርክብ ዘለዎም ኖርወጃውያንን ፍልስጤማውያንን ክሳብ ሕጂ ካብታ ብኲናት ዝተሃስየት ቓዛ ክወጹ ከምዘይከኣሉ ኣረጋጊጹ። ሰበስልጣን ኖርወይ እዞም ሰባት ናብ ግብጺ ንኽፍነው ዝገብርዎ ልዝብ ክሳብ ሕጂ ዝኾነ ፍረ ከም ዘይተረኽቦ፡ እንተኾነ ግና እዝም ሰባት ዶብ ክሰግሩ ከይፍትኑ ለበዋ ተመሓላሊፉ’ሎ። ኣባል እቲ ሚኒስትሪ ማሪከን ብሩስጋርድ ሃርቢትዝ ዝሓለፈ ሓሙስ ንጋዜጣ ዳግሳቪሰን ኣብ ዝሃቦ መግለጺ፡ “ኩሉ ዶብ ክሰግር ዝሓሰበ ሰብ ንድሕነቱ ብዕምቆት ክሓስበሉ ንላቦ ኣለና” ኢሉ። ሰብመዚ ኖርወይ፡ እስራኤል ኣብ ወርሒ ጥቅምቲ ኲናት ኣብ ዝጀመረትሉ እዋን ኣብ ጋዛ ዝተታሕዙ ኣስታት 300 ኖርወጃውያን፡ ከምኡ’ውን ሓያሎ ምስ ኖርወይ ርክብ ዘለዎም ፍልስጤማውያን ሓጊዞም እዮም።