ሓደጋ ሄሊኮፕተር ሰብ ቀዚፉ

ትማሊ ረቡዕ ምሸት ኣብ ዝተኻየደ ልምምድ “ሲኮርስኪ ኤስ-92” ዝዓይነታ ሄሊኮፕተር ድሕሪ ምውዳቓ፡ ናብ ሰሜናዊ ባሕሪ ዝርከብ ትካላት ነዳድን ጋዝን ባሕሪ ኖርወይ ዝወስድ መጓዓዝያ ኣየር ሎሚ ሓሙስ ደው ክብል ከም እተገብረ ተፈሊጡ። ኣብታ ሄሊኮፕተር ካብ ዝነበሩ ሽዱሽተ ተሳፈርቲ ሓደ ሞይቱ’ሎ። ሰብመዚ ሆስፒታል በርገን ትማሊ ሓሙስ ንግሆ ኣብ ዝሃብዎ መግለጺ፡ ሓደ ሰብ’ውን ኣብ ከቢድ መጉዳእቲ፡ ካልእ ድማ ብኸቢድ ከምዝቖሰለ፡ እቶም ካልኦት ሰለስተ ድማ ቀሊል መጉዳእቲ ከምዘጋጠሞም ሓቢሮም። ካብ በርገን ንምዕራብ ኣብ ዝርከብ በረድ ዝመስል ዝሑል ማይ ድሕሪ ምውዳቖም፡ ክሳብ 50 ደቓይቕ ኣብቲ ማይ ምጽንሖም፡ ብሰራሕተኛታት ህይወት ኣድሕን ክለዓሉ ተጌሮም ኣለዉ። ኩሎም ናይ ህይወት ኣድሕን ክዳን ለቢሶም ከምዝነበሩን፡ እዚ ድማ ህይወቶም ንምድሓን ከምዝሓገዘ ሰብመዚ ወሲኾም ገሊጾም ኣለዉ።