ምስ ዳዕሽ ምትእስሳር ዘለወን ሽወደናውያን ደቂ ኣንስትዮን ደቀንን ክሳብ ሕጂ ኣብ መዓስከር ሶርያ ኣለዋ

ምስ ሽወደን ምትእስሳር ዘለወን ሰለስተ ደቂ ኣንስትዮን ሓሙሽተ ቆልዑን ክሳብ ሕጂ ኣብ ሶርያ ኣብ ዝርከብ መዓስከር ከም ዝርከቡ ተፈሊጡ። ኣብቲ መዓሰከር ናብ ግብረሽበራዊ ጉጅለ ኣይኤስ ዝተጸንበሩ ወጻእተኛታት ስድራቤታት ተኣሲሮም ምህላዎም ዝፍለጥ እዩ። ኣቦሓጎ 3 ካብቶም ቆልዑ ዝኾነ ሙስጦፋ፡ እቶም ቆልዑ ናብ ሽወደን ከይበጽሑ ከይሞቱ ከምዝሰግእ ንሬድዮ ኒውስ ሽወደን ገሊጹ። ኣገልግሎት ዜና ሬድዮ ሽወደን ርእይቶ ንምርካብ ናብ ሚኒስተር ጉዳያት ወጻኢ ቶብያስ ቢልስትሮም ሕቶ ኣቕሪባ ኔራ። ወሃቢ ቃል ፕረስ ቢልስትሮም እቲ ጉዳይ ብቤት ጽህፈቱ ይረአ ከምዘሎ እኳ እንተገለጸ፡ ነቲ ሕቶ ቃለ መሕትት ግን ነጺግዎ’ሎ።