ቭላድሚር ፑቲን ን ሰራዊት ሩስያ ዝለዓለ ናእዳ ኣቕሪቡ

ፕረዚደንት ሩስያ ቭላድሚር ፑቲን፡ ነቲ ኣብ ዩክሬን ዘካይዶ ዘሎ ኲናት ብግልጺ ከይጠቐሰ፡ ኣብ ናይ ሓድሽ ዓመት መደረኡ ሰራዊቶም ሓባራዊ ደገፍ ክግበረሉ ጸዊዑ። ንሱ፡ ንወተሃደራቱ ንሓቂ ኣብ ዝግበር ዘሎ ቃልሲ ኣብ ቅድመ ግንባር ዘለኹም ጀጋኑ ኢኹም” ክብል ንኢዱ። ብተወሳኺ ንብዙሓት ሩስያውያን ቀንዲ ኣርእስቲ ዝኾነ ቁጠባዊ ጉዳያት ብምጥቃስ ን 2024 ዓመት ስድራቤት ክትከውን ኣዊጁ። ኣብ ዝሓለፈ ዓመት ፑቲን ብወተሃደራት ተዓጂቡ መደረ ዘስምዐ ኮይኑ፡ ሩስያ ንምድሓን መስዋእቲ ክኸፍል ተሪር ጻውዒት ኣቕሪቡ ነይሩ እዩ። ሎሚ ዓመት ግና በይኑ ኣብ ቅድሚ ህንጻ ባይቶ ሩስያ ክረምሊን ኮይኑ እዩ ነዚ መደረ ኣስሚዑ። ንሱ ንጅግንነት ወተሃደራት ሩስያ ድሕሪ ምንኣድ ብኣኻትኩም ንሕበን፡ ትብዓትኩም ነድንቖ ኢሉ። ፑቲን ምስ ብ ኔቶ እትድገፍ ዩክሬይን ብዘካይዶ ዘሎ ኲናት ኣሽሓት ወተህደራት ሩስያ ምሟቶም ገሊጹ። ኣብዚ ናይ ሓድሽ ዓመት መደረኡ ፑቲን፡ እቶም ኣዝዮም ከበድቲ ጸገማት ክንፈትሖም ከም እንኽእልን ንድሕሪት ከም ዘይንምለስን ካብ ሓደ ግዜ ንላዕሊ ኣመስኪርና ኢና፡ ምኽንያቱ ክፈላልየና ዝኽእል ሓይሊ ስለዘየለ ኢሉ’ሎ።