“ኮሚሽን ምክልኻል” ጽባሕ ዓርቢ ናይ መወዳእታ ጸብጻብ ከቕርብ እዩ

ድሕሪ ናይ ኣስታት ሓደ ዓመትን መንፈቕን ዕዮ፥ “ኮሚሽን ምክልኻል” ጽባሕ ናይ መወዳእታ ጸብጻቡ ከረክብ እዩ፡፡ ሽወደን ናብ ኔቶ ድሕሪ ምጽንባራ እዚ ኮሚሽን ብተመሳሳሊ ተኸሲቱ ኔሩ እዩ ። እዚ ኮሚሽን ካብ ዝርእዮም ኣገደስቲ ሕቶታት እቲ ቀንዲ ሽወደን ናብ ወተህደራዊ ሽርክነት ኔቶ ድሕሪ ምጽንባራ፡ ሰራዊት እታ ሃገር ብኸመይ ምስዚ ሓድሽ ኲነታት ክላመዱ እዮም ዝብል እዩ። እቲ ኮሚሽን ብኣባላት ኩለን ኣባላት ሰልፊ ባይቶ ዝቖመ እዩ። ሃንስ ዎልማርክ ካብ ሞደራት ፓርቲ ኣቦ መንበር እቲ ኮሚሽን ኮይኑ፡ እቲ ጸብጻብ ሽወደን ከም እምንቲ መሓዛ ኔቶ መጠን ዘለዋ ትጽቢታት ብጥንቃቐ ክርኢ ምዃኑ ገሊጹ’ሎ።