80% ካብ ዜጋታት ዴኒማርክ፡ ከምዝተኸትቡ ተሓቢሩ

ልዕሊ ኣርባዕተ ሚልዮን ዴኒማርካውያን፡ ንክታበት ኮቪድ ምቕባሎም፡ ምስጋና ይብጻሓዮም ክብል፡ እቲ ሚኒስተር፡ ጽሒፉ።

ኣብ ሃገረ ዴኒማርክ፡ መስርሕ ክታበት፡ ዕለት 27 ታሕሳስ 2020 ከምዝጀመረ ይዝከር። ኣብ መወዳእታ ናይ ወርሒ መስከረም 2021 ድማ፡ ትሽዓተ ካብ ዓሰርተ ሰባት፡ ቀዳማይ እብረ ክታበት ዝረኸቡ ክኾኑ፡ ንሰርሓሉ ዘሎና ዕላማ እዩ ክብል ወሲኹ ገሊጹ።

ሃገረ ዴኒማርክ፡ ሓንቲ ካብተን ዝለዓለ መጠን ክታበት ዘመዝገባ ሃገራት ዓለምና እያ። ይኹን እምበር፡ ሰሙናዊ ብዝሒ መጠን ክታበት፡ ካብቲ ኣብ ወርሒ ሓምለ ዝነበረ 200 ሽሕ፡ ኣብ ዝሓለፈ ሰሙን፡ ናብ 39 ሽሕ ምውራዱ ተፈሊጡ ኣሎ።

ንኹሎም ክታበት ዝምልከቶም ጉጅለታት ንምኽታብ፡ ዝከኣለና ንገብር ኣለና ዝበለ፡ ህዩኒከ፡ ኩሎም ዜጋታት ዴኒማርክ፡ ምሉእ ክትባቶም ክውድኡ ኣዘኻኺሩ።