ዜና

ገበነኛታትን ኣብቲ ናብ ናይጀርያ ዝካየድ ዘሎ ዘይሕጋዊ ሰደድ መካይን ብድሕሪ መጋረጃ ዝእዝዙ ዘለዉ ሰባትን፡ ኣብ ሽወደን ንዝርከቡ ምዝጉባት ወነንቲ መካይን ብምርካብን መካይኖም ክሸጡ ምድፍፋእን ይቕጽልሉ ምህላዎም፡ ካብዚ ሃሊፎም እውን ካብ ኤጀንሲ መጓዓዝያ ሽወደን ውልቃዊ መረዳእታ ይገዝኡ ከምዘለዉ ኣገልግሎት ዜና ሬድዮ ሽወደን ሓቢሩ። እቲ ሓበሬታ ናብታ ኣፍሪቃዊት ሃገር ኣታዊ ዘለወን ኣረጊት መካይን ረኺብካ ንምስግጋር ይውዕል ምህላው እታ ሬድዮ ኣጣሊላ’ላ።

ባይቶ ቱርክ ሽወደን ናብ ወተሃደራዊ ኪዳን ሰሜን ኣትላንቲክ ኔቶ ክትጽንበር ዘቕረበቶ ሕቶ ኣጽዲቑ። ፕረዚደንት ቱርክ ረሲፕ ጠይብ ዔርዶጋን ሕጂ ነቲ ውሳነ ክታሙ ከንብት ትጽቢት ይግበረሉ’ሎ። ባይቶ ሃንጋሪ ገና ኣብ ሕቶ ሽወደን ድምጺ ኣይሃበን ኣሎ። ኣባላት ባይቶ ቱርክ፡ ሽወደን ናብ ኔቶ ክትጽንበር ንነዊሕ እዋን ከደናጒዮ ድሕሪ ምጽናሕ ነቲ ሕቶ ምጽዳቓ፡ ኣብ መንገዲ ኣባልነት እታ ኖርዲካዊት ሃገር ዓብዪ ስጉምቲ ንቕድሚት ዝውክል እዩ። …

ኣብ 2024 ሰራሕተኛታት ፊንላንድ ብዛዕባ ኩነታት ስራሖም ዘለዎም ስክፍታ እናዓበየ ምምጽኡ፥ ብ ትካል “ማዕከን ክፉት ሽቕለት ኣልቦነት” ዝተገብረ መጽናዕቲ ኣቃሊዑ። እቲ ኣብዚ ወርሒ ጥሪ ዝተኻየደን ልዕሊ 3000 ኣባላት ዘሳተፈን መጽናዕቲ፡ ምስ ዓሚ ብምውድዳር ኣብ ስምዒት ሰራሕተኛታት ጭቡጥ ለውጢ ከም እተኸስተ ትዕዝብቱ ኣስፊሩ’ሎ። ብመሰረት እዚ መጽናዕቲ፥ ንኹነታት ስራሖም ተስፋ ዘለዎ ክብሉ ዝገለጹ ካብቶም ነዚ ሕቶ ዝመለሱ እቶም 33% ጥራይ እዮም፡፡ እዚ …

ትካል ክሊማ ሽወደን ኣስታት ን ህቦብላ ኢሻ ምኽንያት ብምግባር 30 መጠንቀቕታታት ኩነታት ኣየር ኣውጺኡ፡፡ ህቦብላ ኢሻ ናብ ሽወደን ከቢድ ዝናብ፡ ህቦብላን ዕልቕልቕን ሒዙ ምምጽኡ እቲ ትካል ኣጠንቂቑ’ሎ። እዚ ህቦብላ ዘምጽኦ ዕልቕልቕ፣ ብርቱዕ ንፋስ፣ መሸንቦባን በረድን ዝበዝሖ ጽርግያታትን ድሮ ኣብ ሓያሎ ቦታታት ንህዝባዊ መጓዓዝያ ጸገም ፈጢሩ’ሎ። እዚ ህቦብላ ብፍላይ ኣብ ደቡባዊ ክፋል እታ ሃገር–ስኮርና–ብርክት ዝበለ ጒዕዞ ባቡርን ኣውቶቡሳትን ንኽስረዝ ምኽንያት ኮይኑ’ሎ። …

ኣባል ባይቶ ሓምለዋይ ሰልፊ ፊንላንድ ኣልቪይና ኣላሜትሳ ምስ ሙዜቀኛታት ፊንላንድ ብምሕባር፡ እስራኤል ካብ ውድድር ደርፊ ዩሮቪዥን ክትግለል ጸዊዓ፡፡ እዚ ውሳነ ፊንላንድን ሃገራዊ ትካላ YLEን ኣብ ፈነወ ሕብረት ኤውሮጳ (EBU) ጽልዋ ናይ ምግባር ዓቕሚ ከምዘለዎም ኣላሜትሳ ገሊጻ’ላ። እዚ መግለጺ ኣላሜትሳ ዝወጸ ትካል ‘ሴቭ ዘ ቺልድረን’፥ ክሳብ መወዳእታ 2023 ኣብ ቓዛ ብማእከላይ ገምጋም መዓልታዊ 100 ህጻናት ብደብዳብ እስራኤል ይቕተሉ ከምዘለዉ ዝሕብር ሓበሬታ …

ማርከስ ዋንድት ናብ ጠፈር ተወንጪፉ ናብ ዓለምለኻዊ መደበር ህዋ ገጹ ይኸይድ ኣሎ። እዚ ሽወደናዊ ፓይለት ነፋሪት ኲናት ድሕሪ ናይ ተስዓ ደቓይቕ በረራ ኣብ ዝገበሮ ሓጺር ርክብ፡ እታ ‘ፋልኮን 9’ ዝተሰምየት ሮኬት ካብ ፍሎሪዳ ክትውንጨፍ ከላ ብዘርኣየቶ ቅልጣፈን ፍጥነትን ምግራምን ሓጎስን ከም እተሰምዖ፡ ኣብ ጠፈር ምህላው ዝስምዓካ ስምዒት ድማ ‘ብርቱዕ ሓጎስ” ክብል ገሊጽዎ’ሎ። ሰራሕተኛታት ‘ስፔስኤክስ’ ሰንበት ንግሆ ሰዓት 11.15 ኣብ ኣህጒራዊ …

ኣባል ሰልፊ ባይቶ ክርስትያናዊ ዴሞክራሲ ሳራ ስካይተዳል፡ ሰልፋ ምጒዳል ተኣማምነት ዝብል ምኽንያት ብምልዓል ካብ ናይ ሎሚ ዓመት ምርጫ ባይቶ ሕብረት ኤውሮጳ ተኣልያ። ኣብ ዝሓለፈ ወርሒ ሰነ ኣብ ዝተኻየደ ምርጫ ክርስትያን ዲሞክራትስ ላዕለዋይ ሕጹይ ዝነበረ ስካይተዳል፡ ብዛዕባ ጒዳያት ዕድል ስራሕ ኣመልኪቱ ምስ ሰልፊ ዲሞክራሲ ሽወደን ርክብ ከምዝነበረ ኣባል እቲ ሰልፊ ዝኾነ ሓደ ሚኒስተር ገሊጹ’ሎ። ኣብ ላዕለዋይ ደረጃ ድምጺ ሰልፊ ክርስትያን ዲሞክራሲ …

ሰብመዚ ሽወደን ንዝተፈላለዩ ዓይነታት መጥቃዕቲ ሳይበር ንምግጣም ኣዝዩ ዝሓሸ ምድላው ክህልዎም ኣለዎ ክብል ብኤምኤስቢ ዝፍለጥ ኤጀንሲ ሲቪላዊ ሓደጋታት ሽወደን ኣብ ዘውጽኦ ሓድሽ ጸብጻቡ ሓቢሩ። ኣብ መንጎ ሚያዝያ 2019ን መስከረም 2023ን ኤምኤስቢ ካብ መንግስታዊ ጽላት 1,542 ጥርዓናት ሓደጋታት ሳይበር ከም ዝበጽሖ ገሊጹ’ሎ። ካብዚኦም እቶም 250 ፈተነ መጥቃዕቲ ሳይበር ዝምልከቱ ኮይኖም፡ 87% ካብ መንግስታዊ ትካላት፡ 13% ድማ ካብ ወሃብቲ ኣገደስቲ ኣገልግሎታት ዝመጹ …

ሓደ ሽወደናዊ ዜጋ ኣብ ኢራን ከም እተኣስረ ተሓቢሩ። ኣገልግሎት ፕረስ ሚኒስተሪ ጒዳያት ወጻኢ ሽወደን ንኤኤፍፒ ኣብ ዝሃቦ ሓበሬታ፡ እቲ ሰብኣይ ኣብ መጀመርታ ወርሒ ጥሪ ኣብ ኢራን ከም እተኣስረ ገሊጹ’ሎ። ሚኒስተሪ ጒዳያት ወጻኢ ሽወደን ኣብ ሽወደን ምስ ዝርከቡ ኣዝማዱ ከምኡ’ውን ኣብ ጤህራን ኣብ ዝርከብ ኤምባሲ ሽወደን ምስ ሰበስልጣን እታ ሃገር በዚ ጒዳይ ከም እተራኸበ ብኢመይል ሓቢሩ። እቲ ሰብኣይ ኣብ ማእከላይ ሽወደን …

መንግስቲ ን ግዴታ ጠቕላላ ምክልኻል እታ ሃገር ኣብ ዝተመሓየሸ ሲቪካዊ ዝንባለ ኮርስ ክእትዎ ድሌት ከም ዘለዎ ተሓቢሩ። ሚኒስተር ስራሕን ምውህሃድን ዮሃን ፐርሾን፡ ኩሎም ነበርቲ ሽወደን ኣካል ናይቲ ጠቕላላ ምክልኻል እታ ሃገር ናይ ምዃን ግዴታ ስለዘለዎም፡ ኣብቲ ብዛዕባ ሕብረተሰብ ሽወደን ዝወሃብ ትምህርቲ ሲቪክስ እዚ ክኣቱ ኣገዳሲ ምዃኑ ይዛረብ። ኣጠቓላሊ ምክልኻል ሽወደን ንኹሉ እቲ ሃገር ንኲናት ድሉው ንምግባር ዘድሊ ንጥፈታት ንምግላጽ ኣብ …