ንዝያዳ ሓበሬታ ብዛዕባ ክሮና

ብምኽንያት ምውሳኽ ለበዳ ኮሮና፡ በዓልመዚ ህዝባዊ ጥዕና ሽወደን፡ ኣብ ኣውራጃ ስኮናን ኣፕሳላን ጥብቕ ዝበለ መምርሒታት ምውጽኡ ተገሊጹ። ተመሳሳሊ ምጥባቕ ሕጊታት ኣብ ስቶክሆልምን ዮተቦሪን ክትግበር ድማ ሎሚ መዓልቲ ጻውዒት  ኣቕሪቡ ኣሎ ክብሉ ጸብጻባት ሬድዮ ሽወደን ሓቢሮም። ኣብ ዝሓለፈ ሰሙን ጥራይ፡ ኣብ ስኮና፡ ቁጽሪ በቲ ለበዳ እተታሕዙ ሰባት፡ ብዕጽፊ ምዝያዱን ኣብ መላእ እታ ምምሕዳር ድማ ብናህሪ ይላባዕ ኣሎ ክትብል ሓኪም ምክልኻል ለበዳታት፡ …

ኣብ ምምሕዳር ኦረብሮ እትርከብ፡ መዋእለ ህጻናት ኦስተሪንገን፡ ብሰንኪ ኣብ ልዕሊ ኣባላት’ታ መዋእለ ህጻናት ዘጋጠመ ርጉጽ መልከፍቲ ኮሮናን ዝተለኽፉ ክህልዉ ይኽእሉ እዮም ብዝብል ምኽንያት፡ እታ መዋእለ ህጻናት ማዕጾኣ ክትዓጹ ተገዲዳ ምህላዋ ሓቢሩ። እታ ኣብ ኦስተር፡ ኦረብሮ፡ እትርከብ መዋእለ ህጻናት፡ ካብ ጽባሕ ሰሉስ ጀሚራ ክሳብ መጨረሽታ ናይዚ ሰሙን ኣብ ዘሎ ግዜ፡ ዕጹውቲ ክትከውን ምዃና ምምሕዳር እታ መዋእለ ህጻናት ወሲኑ።   ቁጽሪ መምህራን …

መንግስቲ ኖርወይ፡ ንመምርሒ ቀይድታት ኮሮና ከትርር ምዃኑ፡ ሎሚ ገሊጹ ክብል SVT ሓቢሩ። ኣቐድም ኣቢላ፡ ኦስሎ፡ ኣብ ህዝባዊ ምትእኽኻብ ዘለዎ ከባቢታት፡ ካብ ሓደ ሜትሮ ንላዕሊ ርሕቀት ኣብዘይብሉ ኣከባቢ፡ ናይ ኣፍ ማስክ፡ ምውዳይን ካብ ሰዓት 10 ናይ ምሸት ንደሓር ኣብ ዘሎ ግዜ ድማ ባራትን ቤት ምግብታትን ዕጹው ንኽኸውን ሓቢራ። ቀዳመይቲ ሚኒስተር ኖርወይ፡ ሎሚ ኣብ ዘመሓላለፈቶ መምርሒታት፡ ኣብ ሓደ እዋን፡ 5 ዝኾኑ ኣጋይሽ …

ኣባላት ናይ ሓንቲ ካብ ቀንዲ ሆስፒታላት ለንደን (ዓዲ እንግሊዝ) ምዃና እትፍለጥ ሆስፒታል፡ እቲ ብኩባንያ ኣስትራ ዚኒካ ዝፈረየ ጸረ ኮሮና ክታበት፡ ኣብ መጀመርታ ወርሒ ሕዳር፡ ክርከቡ ምዃኖም ተሓቢሮም ከምዘለዉ ብሪጣንያዊ ጋዜጣ ዘ ሳን (The Sun) ኣቃሊሑ ክብል SVT ሓቢሩ። እዚ ጸረ ኮሮና ክታበት’ዚ፡ ኣብ ሓደ ሆስፒታላት ደቂሶም ኣብ ዝነበሩ ሕሙማት ተፈቲኑ፡ ጽቡቕ ውጽኢት ዘምጸአ እዩ ክብል፡ ጸብጻብ ጋዜጣ ዘ ሳን፡ ስም …

በዓልመዚ ምቁጽጻር ለበዳ ኣውሮፓዊ ሕብረት፡ ኣብ ዘውጽኦ መግለጺ፡ ኣውሮፓ፡ ብኻልኣይ ማዕበል ለበዳ ኮሮና ትጥቃዕ ምህላዋ ብምምልካት፡ ነገራት ካብ ዝነበርዎ ክገዱ ከም ዝኽእሉ ገሊጹ። ብርክት ዝበላ ሃገራት፡ ቀይድታት ኣብ ምትራር ተጸሚደን ብምህላወን፡ ብፍላይ ድማ ፖላንድን በልጄምን ዝተረረ ቀይድታት ወሲደን ምህላወን ኣገልግሎት ዜና TT ሓቢሩ። መንግስቲ ፖላንድ ዛጊት ኣብ ኣብያተ መግቢ፡ ካብ ሓሙሽተ ሰባት ንላዕሊ ኮፍ ከይብሉ ምኽልካሉን ዕድሚኦም 70ን ልዕሊኡን ዝኾኑ …

መጠን መልከፍቲ ኮሮና ኣብ ምምሕዳር ስቶክሆሎም ብልዑል ናህሪ ይውስኽ ምህላዉ በዓል መዚ ህዝባዊ ጥዕና ስቶክሆሎም ሓቢሩ ክብል መርበብ ሓበሬታ ተተ (TT) ኣቃሊሑ። ኣብ ዝሓለፈ ሰለስተ መዓልታት፡ ማለት ካብ ሰሉስ ክሳብ ዓርቢ ኣብ ዘሎ ግዜ፡ 1341 ሰባት ብኮሮና ምልካፎም ክፍለጥ እንከሎ፡ 11 ሓደስቲ ሕሙማት ሰባት ወሲኽካ፡ ቁጽሪ ናይቶም ኣብ ትሕቲ ሕክምናዊ ምክትታል ዝርከቡ ሕሙማት፡ 85 ሰባት ምብጽሑን ቁጽሪ ናይቶም ኣብ ጽዑቕ …

ምስፍሕፋሕ ለበዳ ኮሮና ንምግታእ፡ ካብ ዝቕጽል ሰሙን ጀሚሩ፡ መንግስቲ ኖርወይ፡ ሓደስቲ ቀይድታት ክእውጅ ምዃኑ ቀዳመይቲ ሚኒስተር ኖርወይ፡ ኢርና ሶልቤሪ፡ ገሊጻ ክብል መርበብ ሓበሬታ ተተ (TT) ሓቢሩ። ሽሕ’ኳ መጠን መልከፍቲ ኮሮና ይጎድል እንተሃለወ፡ ብዝሒ ናይቶም ናብ ሆስፒታላት ዝኣትዉ ዘለዉ ሰባት ወሲኹ ድሕሪ ምባል፡ ሶልቤሪ፡ ሰብ መዚ ኖርወይ፡ ንኣገባብ ኣተገባብራ ናይቶም ሓደስቲ ቀይድታት ብዝምልከትን ይሰርሕሉ ምህላወምን ኣብተን ዝያዳ መጠን ለበዳ ዘለወን ከባቢታት …

በዓል መዚ ህዝባዊ ጥዕና ኖርወይ፡ ናብ መላእ ከባቢታት ሽወደን ዝግበር መገሻታት ክቋረጽ ከምዝግባእ ምኽርታቱ ኣመሓላሊፉ። ዝሓለፈ እዋን፡ ምምሕዳር ካልማር፡ እታ እንኮ ብኖርወጃውያን ክትብጻሕ ዝፍቀደላ ሽወደናዊት ምምሕዳር ከምዝነበረት ይዝከር። ሎሚ ድማ፡ ሰብ መዚ ኖርወይ፡ ንምምሕዳር ካልማር ሓዊሶም፡ ንመላእ ሽወደን ንኸይግየሽ ብምጥንቃቕ፡ ንመላእ ሽወደን፡ ኣብ ቀይሕ ዝርዝር የእትያታ። ብኻልእ ወገን፡ ዴኒማርክ፡ ናብ ኣርባዕተ ሽወደናውያን ምምሕዳራት፡ ኖርቦትን፡ ስኮና፡ ሶርምላንድ፡ ቪስትራዮታላንድ ዘይተደልየ መገሻ ንኸይትግበር …

ኣብ ስፖርታውን ባህላውን ጽምብላት ተፈቒዱ ዝነበረ ናይ 50 ሰባት ምትእኽኻብ፡ ናብ 300 ሰባት ክእከቡ ዘፍቅድ መምርሒ፡ ቀዳማይ ሚኒስተር፡ ስቴፋን ሎቪን፡ ሰብ መዚ ህዝባዊ ጥዕናን ሚኒስተራትን ዝተረኽብሉ ጋዜጣዊ ዋዕላ  ከምዝተመሓላለፈ፡ መርበብ ሓበሬታ ተተ (TT) ሓቢሩ። እቲ ዝተፈቕደ ምትእኽኻብ፡ ስፖርታዊ ንጥፈታት፡ ኮፍ ኢልካ ትዕዘቦ ባህላዊ ምርኢታት፡ ሙዚቃዊ ትያትራትን ሲነማታትን ዘጠቓልል ኮይኑ መምርሒታት ማሕበራዊ ምርሕሓቕ ኣብ ግምት ዘእተወ ክኸውን እዩ። እዞም ኣካየድቲ ናይዞም …