ንዝያዳ ሓበሬታ ብዛዕባ ክሮና

ኣብ ምምሕዳር ከተማ ዮቶቦሪ ዝርከቡ ተማሃሮን ኣባላትን ናይ 50 ዝኾና ቤት ትምህርታት፡ ብቫይረስ ኮሮና ይልከፉ ከምዘለዉ ምምሕዳር ቤት ትምህርታት ዮቶቦሪ ገሊጹ ክብል ሬድዮ ሽወደን ኣቃሊሑ። ሰበ ስልጣን ምክልኻል ለበዳን ምምሕዳር ቤት ትምህርታት ዮቶቦሪን ብሓባር ኮይኖም፡ ነተን ቤት ትምህርታት ብከፊል ወይ ብምሉእ ናይ ምዕጻው ውሳኔ ከመሓላልፉ ከምዝኽእሉ ድማ ተፈሊጡ ኣሎ። ክሳብ ሕጂ፡ ምስፍሕፋሕ ለበዳ ኮሮና፡ ኣብ ልዕሊ ኣሰራርሕ ናይ ሰለስተ ቤት …

ኣብ ኣቨኒን (Avenyn)፡ ዮቶቦሪ፡ ዝርከብ ቤት መግቢ፡ ዓማዊሉ ካብ ሕማም ኮቪድ-19 ነጻ ምዃኖም ንምርግጋጽ፡ ሙቐት ሰውነቶም እናዓቀነ የአንግድ ምህላዉ ጋዜጣ ዮቶቦሪ ፖስተን (Göteborgs Posten) ሓቢሩ ክብል ሬድዮ ሽወደን ኣቃሊሑ። ኣብ ምጅማር ለበዳ ኮሮና፡ ሰባት፡ ምልክታት ሕማም ከምዘይብሎም ንምርግጋጽ፡ ከምዚ ዓይነት ኣገባብ፡ ኣብ መላእ ዓለም፡ ብፍላይ ድማ ኣብ መዓርፎ ነፈርቲ፡ ክጥቀምሉ ከምዝጸንሑ ይፍለጥ።

ሓደ ንቀዳማይ ሚኒስተር ሽወደን፡ ስቴፋን ሎቪን፡ ቀረባ ዝኾነ ሰብ ምስ ካልእ ድሒሩ ብኮሮና ቫይረስ ከምተለኽፈ ዝፈለጠ ሰብ ተራኺቡ ብምንባሩ፡ ኣብዚ ሕጂ እዋን፡ ቀዳማይ ሚኒስተርን በዓልቲ ቤቱን ብገዛእ-ርእሶም ከምተወሸቡ ተፈሊጡ። እቲ ንቀዳማይ ሚኒስተር፡ ቀረባ ዝኾነ ሰብ፡ መርመራ ኮሮና ኣካይዱ፡ ካብ ኮሮና ነጻ ምዃኑ’ኳ እንተ ተፈልጠ፡ ኣነን በዓልቲ ቤተይን ግን ክንውሸብ ከምዘለና፡ ሓኪም መኺሩና። ኣብዚ ሕጂ እዋን፡ ክልተና፡ ኣብ ጽቡቕ ጥዕናዊ ኩነታት …

ምምሕዳር ኦፕሳላ፡ ሎሚ ካብ ሰዓት 1:00 ድ.ቐ. ዝጀመረ፡ ኣብ ልዕሊ ሰራሕተኛታቱ (stabsläge) ናይ ህጹጽ እዋን ሓደጋ ከም ዝኣወጀ ሓቢሩ ክብል መርበብ ሓበሬታ ተተ (TT) ገሊጹ። መጠን ብኮሮና ዝተለኽፉ ሰባት ብናህሪ ይውስኽ ኣብ ዘሎ እዋን፡ ቁጽሪ ሕክምናዊ ምክትታል ዘድልዮም ሰባት እናዓበየ ስለዝኸደ፡ ውሳኔ ንኽንወስድ ተወኪልና ንምትግበሩ ድማ ጀሚርና ኣለና ክብል ሓላፊ ህዝባዊ ጥዕና’ታ ምምሕዳር፡ ሚካኤል ኮለር፡ ኣብ ዝሃቦ ጋዜጣዊ መግለጺ ሓቢሩ። …

ምምሕዳር ሊንሾፒን፡ ዋንነት’ታ ምምሕዳር ዝኾኑ መሐንበሲን ባህላውን ማሕበራውን ንጥፈታት ዝካየደሎም ቦታታት ክዓጹ ምዃኑን ብተወሳኺ ድማ ብጀካ ንትምህርታዊ ንጥፈታት እንተዘይኮይኑ ንኻልእ ናይ መንእሰያት ንጥፈታት ተባሂሉ ዝተሓዝአ ቦታታት ውን ክዓጹ ምምዳቡ ተፈሊጡ። እዚ ዝተወስደ ስጉምቲ፡ ነቲ ትማሊ ሓሙስ ብበዓል መዚ ህዝባዊ ጥዕና ሽወደን ዝቐረቡ ምኽርታት መሰረት ብምግባር ዝተወሰኑ እዩም። ብተመሳሳሊ መንገዲ፡ በዓል መዚ ህዝባዊ ጥዕና ሽወደን፡ ትማሊ ሓሙስ፡ ንምምሕዳራት ስቶክሆልም፡ ቬስትራጎትላንድን ኦስተርጎትላንድን …

ንመርመራታት ኮሮና ተባሂሉ ዝግበር ወጻኢታት ንምሽፋን፡ መንግስቲ፡ ናይ 3 ቢልዮን ክሮን ተወሳኺ ገንዘብ ክድጉም ምዃኑ ተመባጺዑ ክብሉ ጸብጻባት TV4 ሓቢሮም። እዚ ዝኾነሉ ምኽንያት፡ እቲ ቅድሚ ሕጂ ንተመሳሳሊ መዓላ ተባሂሉ ተሰሊዑ ዝነበረ ገንዘብ ክውዳእ ብምቕራቡ እዩ። እዚ ተወሳኺ ድጎማ፡ ክሳብ መወዳእታ ናይዚ ሒዝናዮ ዘለና ዓመት ዘሎ ግዜ ከጻንሕ ከምዝኽእል ይንገር። ኣብ ተመሳሳሊ እዋን፡ ብዙሓት ከባቢታት ሽወደን፡ ብሰንኪ ጠለብ መርመራ ኮሮናን ጸረ …

ኣብ ምምሕዳር ኦስተርጎትላንድ፡ መጠን መልከፍቲ ኮሮና እናዛይደ ይመጽእ ስለዘሎ፡ እታ ምምሕዳር፡ መምርሒታት ከባብያዊ ቀይድታት ኮሮና ንኸተመሓላልፍ ምእንቲ፡ ትዘራረብ ከምዘላ ተፈሊጡ። መምርሒታት ከባብያዊ ቀይድታት ኮሮና ክመሓላለፍ ይኽእል እዩ። ክሳብ እዚ ሕጂ እዋን ግን፡ እዚ መምርሒ ስለዘይተመሓለለፈ፡ ተቐማጦ እዚ ምምሕዳር ዝኾኑ ሰባት፡ ነቲ ዘሎ መምርሒታት ከተግብሩን ክኽተሉን ከምዝግባእ። ንሕና፡ ዝሓሸ ኣማራጺ ኣብ ምንዳይ ኢና ንርከብ ዘለና ክትብል ሓላፊት ጥዕና እቲ ምምሕዳር፡ ጀሲካ …