Harmony Media መሓዛ ተዛረብቲ ቋንቋ ትግርኛ
ኤርትራዊ ሽወድናዊ ኣለክሳንደር ኢሳቅ ድሕሪ ብመልክዕ ልቓሕ ናብ ሆላንዳዊት ክልበ ዊልያም ክለተ ምስግጋሩ ብዘርኣዮ ጹቡቕ ጸወታታትን ዘመዝገቦ ሸቶታትን ኣብ የዕንቲ ዓበይቲ ክለባት ምውዳቑ እንሆ ሕጂ ድማ ብ ስጳኛዊት ክለብ ርያል ሶሰይዳ ይህደን ኣሎ። ድሮ እዛ ጋንታ ምስ ዋናኒቱ ዝኾነት ክለብ ዶርትመንድ ምዝርራባት ከምዝጀመረትን፣ ምስ ክለቡን ምስ ተጻዋታይን ኣብ ናይ ግሉ ጥቕምታት ኣብ ምርድዳእ ከምዘለውን ጋዜጣ እታ ክለብ ዲያሮ ቫስኮ ገሊጻ። እዚ ሓዱሽ ኢብራሂሞቪች ኢላ ዝሰመይቶ ኣብዚ እዋን ምስ ሃገራዊ ጋንታ ሽወደን ተጠርኒፉ ን ኣብ ሰነ 7 ዝግበር ጸወታ ኣንጻር ሃገራዊት ጋንታ ማልታ ንምዕጣም ኣብ ልምምድ ይርከብ።
