ጥዕና

ምስፍሕፋሕ ናይ መልከፍቲ እንዳወሰኸ ይመጽእ ከምዘሎን – ኣብ ናይ በዓላት ልደት ዘሎ ሰሙን፡ ቁጽሪ ናይ ሓድሽ መልከፍቲ ከምዝወሰኸን መብዛሕትኦም ድማ ክትባት ዘይወሰዱ ሰባት ምዃኖም ተፈሊጡ ኣሎ። መጠን መልከፍቲ ኮቪድ፡ ካብቲ ቅድሚኡ ዝነበረ ሰሙን፡ ብ14% ከምዝወሰኸን ተገሊጹ። ቁጽሪ ናይቶም ብሓድሽ ጅር ኦሚክሮን ዝተለኽፉ ሰባት ውን ወሲኹ ምህላው ጸብጻብ በዓል መዚ ህዝባዊ ኣገልግሎት ጥዕና ሽወደን ገሊጹ ክብል ማዕከን ዜና ተተ ሓቢሩ። መጠን …

ኣብ እስራኤል፡ ዓሰርተታት ኣሽሓት ታኪን፡ ብለበዳ ኢንፍሉወንዛ ኣዕዋፍ ምሟተን ተፈሊጡ። ብዘይካ’ዚ፡ ኣብ መዕቆብ ብዝሓ ባህሪ ዝነበራ ልዕሊ 5000 ሳገምቲ ኣዕዋፍ እውን በዚ ሕማም ከም እተቐዝፋ እቲ ዜና ወሲኹ ሓቢሩ። ነዚ ኣመልኪታ ሚኒስተር ኣከባቢ እታ ሃገር፡ ትእማር ዛንድበርግ፡ “ኣብ ሃብቲ እንስሳና ዝወረደ ዝኸፍአ ዕንወት” ክትብል ገሊጻ’ላ። በዚ ድማ ስእነት እንቋቖሖ ከየጋጥም ብምባል ሓረስቶት እስራኤል 500 ሽሕ ተወሰኽቲ እንቋቖሖ ክጫጭሑ ለበዋ ቀሪቡሎም …

ማዕበል ለበዳ ጅር ደልታን ኦሚክሮንን ሓደገኛ ሱናሚ ኮቪድ 19 የስዕብ ምህላዉ ዳይረክተር በዓል መዚ ውድብ ጥዕና ዓለም (WHO)፡ ቴድሮስ ኣድሓኖም፡ ገሊጹ። ፈረንሳ ንኽልተ መዓልታት ብተኸታታሊ ኣብ ዝተኸስተ መልከፍቲ 208 ሽሕ ሰባት ከም ዝሓመሙን እዚ ድማ ኣብ ኣውሮጳ ዝበዝሐ ኣሃዝ ለበዳ ምዃኑን ጸብጻብ ቢቢሲ ኣመልኪቱ። ብዘይካ’ዚ፡ ኣብ ኣመሪካ፡ ኣብ ዝሓለፈ ሰሙን ጥራይ ብማእከላይ ገምጋም መዓልታዊ 265,427 ሰባት በዚ ሕማም ከም እተለኽፉ …

ሕቡራት መንግስታት ኣሜሪካ፡ እቲ ቅድም ክብል ብሰንኪ ምስፍሕፋሕ ቫይረስ ኮሮና ናብ ሽወደን ኣብ ልዕሊ ዝግበሩ ጉዕዞታት ዝነበረ መጠንቀቕታ፡ ካብ ምድብ 3 (ዝለዓለ ሓደጋ) ናብ ምድብ 4 (ኣዝዩ ዝለዓለ ሓደጋ) ተኽርሮ ከምዘላ ኣፍሊጣ። ማልታን ሞልዶቫን እውን ካብ ምድብ 3 ናብ ምድብ 4 ከም ዝተሰጋገራ ክፍለጥ ተኻኢሉ’ሎ። ይኹን እምበር፡ ድሮ መብዛሕትአን ኤውሮጳውያን ሃገራት እንትርፊ ኣልባንያን ኮሶቮን፡ ኣብ ምድብ 4 እየን ዝርከባ። ሕቡራት …

ናብ ሽወደን ንምእታው ክማልኡ ዝግበኦም ናይ ኮቪድ መርመራ ሮቓሒታት ብግቡእ ብዘይምትግባሮም፡ ብዙሓት ገያሾ፡ ካብ ኦሬሱንድ ብሪጅ (Öresund Bridge)፡ ናብ ዝመጹሉ ቦታ ንኽምለሱ ከምዝተገደዱ ተፈሊጡ ክብል ማዕከን ዜና ተተ ሓቢሩ። ብዛዕባ እቶም ሓደሽቲ ሮቓሒታት ዘይፈለጡ ገያሾ ኣብቲ ቦታ ምስ በጽሑ እንደገና ክምለሱ ከምዝተገደዱ ተሓቢሩ። “ሎሚ ሰሉስ መዓልቲ፡ ካብ ትማሊ ዝበዝሕ ቁጽሪ ዘለዎም ገያሾ ክንመልስ ተገዲድና ኢና። ካብ ፍርቂ ለይቲ ጀሚሩ ጥራሕ …

ካብ ምጅማር ለበዳ ኮሮና ንደሓር፡ ኣመሪካን ፈረንሳን ኣብ መዓልቲ ዝበዝሑ ቊጽሪ ሕሙማት ጅር ኦሚክሮን የመዝግባ ምህላወን ካብተን ሃገራት ዝወጹ ጸብጻባት ኣመልኪቶም። ብመሰረት ማእከል ምክልኻልን ምቊጽጻርን ተመሓላለፍቲ ሕማማት ኣመሪካ፡ ኣብ ዝሓለፈ ብሰኑይ ጥራይ፡ ልዕሊ 440 ሽሕ ሕሙማት ኦሚክሮን ከም ዝተረኽቡ ገሊጹ። እዚ ይዂንምበር፡ ብምኽንያት ክሪስማስ ጸብጻባት ይድንጒዩ ብምህላዎም እዚ ኣሃዝ ካብቲ ክዉን ዝለዓለ ክኸውን ይኽእል እዩ ክብሉ ሰብመዚ እታ ሃገር ይገልጹ’ለዉ። …

መንግስቲ ዴንማርክ፡ ናብ ሃገሩ ዝኣትዉ ክታበት ንዝወሰዱን ዘይወሰዱን ገያሾ፡ ካብ ኮቪድ ናጻ ምዃኖም ዘረጋግጽ ናይ መርመራ ወረቐት ከቕርቡ ንኽግበር ድሌት ከምዘለዎ ኣፍሊጡ ክብል ማዕከን ዜና ተተ ሓቢሩ። ብተወሳኺ’ውን መንግስቲ ዴንማርክ፡ ነቶም ኣብ ስፖርታዊ ኣደራሻት ንጥፈታቶም ዘካይዱ ሰባት፡ ብጉዳይ ኮቪድ፡ ኣስተምህሮ ክወሃቦም ምዃኑ ገሊጹ ኣሎ። እዚ ብሚኒስተር ጥዕና፡ ማግኑስ ሄውኒከ፡ ዝቐረበ እማመ፡ ቅድሚ ምትግባሩ፡ Folketing’s Epidemic Committee ብዝባሃል ኣካል ኣቢሉ ክጸድቕ …

ኣብ ዝሓለፈ ሰሙን፡ ኤውሮጳዊ ሕብረት ድሕሪ ዘመሓላለፎ መምርሒ፡ ኤውሮጳዊ ኮሚሽን፡ ንጉዳይ ናይቲ ኣብ ሃገራት ኤውሮጳዊ ሕብረት ዝጥቀምሉ ናይ ኮቪድ ፓስፖርት ብዝምልከት፡ ናይ ኣገልግሎት ዕድሚኡ፡ 9 ኣዋርሕ ንክኸውን እማመ ከምዘቕረበ ተፈሊጡ ክብል ማዕከን ዜና ተተ ሓቢሩ። ብደረጃ ሃገራት ኤውሮጳዊ ሕብረት ዝግበሩ ጉዕዞታት፡ ውሑስ ምእንቲ ክኾኑ፡ እቶም ኣብ ሕብረት ኤውሮጳ ዝዋሃቡ ናይ ኮቪድ ፓስፖርት፡ ኣገልግሎት ዝህቡሉ ናይ ብቕዓት ግዜ ተመሳሳሊ ክኸውን ኣድላይ …

ከተማ ኒው-ዮርክ፡ ዘይተኸትቡ ሰባት ናብ ናይ ስራሕ ቦታ ምብጻሕ ክኽልክላ ንኩለን ናይ ግሊ ኩባንያታት ጠሊቡ ክብል ማዕከን ዜና ተተ ሓቢሩ፡፡ ኣስታት 184.000 ዝኾኑ ሰራሕተኛታት፡ እንተወሓደ ሓደ እብረ ክታበት ኮቪድ ከም ዝወሰዱ ዘረጋግጽ መርትዖ ከቕርቡ ከምዘለዎም ተሓቢሩ፡ ፡ እቶም ድሮ ሓደ ክታበት ጥራይ ዝወሰዱ ሰራሕተኛታት ድማ፡ ነቲ ካልኣይ እብረ ክታበት ኣብ ዉሽጢ 45 መዓልታት ክወስድዎ ከም ዘለዎም መምርሒ ተዋሂብዎም ኣሎ፡፡ ኣስራሕቲ፡ …

ኣብዚ ሕጂ እዋን፡ እቲ ኮሚርናቲ (Comirnaty) ተባሂሉ ዝጽዋዕ ክትባት፡ ካብ 5 ዓመት ዝዕድሚኦም ህጻናት ንዘለው ንኽውሃብ ተፈቒዱ ከምዘሎ ተገሊጹ። ከም ጸብጻብ ኣገልግሎት ህዝባዊ ጥዕና ሽወደን (Public Health of Sweden)፡ እዚ ክትባት ብፍላይ ነቶም ናይ ላዕለዋይ ኣካላት ናይ ምትንፋስ ጸገም ንዘለዎም ተኣፈፍቲ ህጻናት ንኽዋሃብ ከምዝሓበረ ተፈሊጡ ክብል ማዕከን ዜና ተተ ሓቢሩ። እዚ መጠን ናይ ክትባት ድማ ካብቶም ንደቂ 12 ዓመት ዝመልኦም …