ህቦብላ ዝተሓወሶ ዝናብ፡ ክረአ ከምዝኽእል መጠንቀቕታ ተመሓላሊፉ

ኣብዘን ከባቢታት እዚኣተን፡ ኣብ ሓጺር እዋን፡ ክሳብ ክንድ’ዚ ዓቐን ዘለዎ ዝናብ ክዘንበን፡ ዳርጋ ናይ መጀመርያ እዋን እዩ። ይኹን እምበር፡ ዝያዳ መጠን ዘለዎ ዝናብ ክዘንበን ተኽእሎታት ኣሎ ክብል ክኢላ ሜትሮሎጂ፡ ማክስ ሺልድት ሓቢሩ።

ኣብቲ ከባቢ ዘሎ ሓመድ፡ ጠስጢሱን ተበጽቢጹን ስለዝኾነ፡ ንዝያዳ ዝናብ ዝጻወር ኣይኮነን። ከም ሳዕቤኑ ድማ ሓድሽን ሓያል ዕልቕልቕ ክፍጠር ከምዝኽእል SMHI መጠንቀቕትኡ ኣመሓላሊፉ።

ኣብ ገማግም ያቭለቦሪ፡ ኣብ ሓደ ካልኢት ክሳብ 19 ሜትሮ ክሕንበብ ዝኽእል ሓያል ህቦብላ ንፋስ ክነፍስ ከምዝኽእል SMHI ወሲኹ ኣጠንቂቑ ኣሎ።

እዚ መጠንቀቕታ፡ ክሳብ ሓሙስ ንግሆ ዝጸንሕ እዩ። ብድሕሪኡ ክሃድእ ክጅምር እዩ ክብል ማክስ ሺልድት ገሊጹ።