ኩባንያ ነዳዲ ናይጀርያ: ድሕሪ 44 ዓመታት: መኽሰብ ረኺበ ይብል 

መንግስታዊ ኲባንያ ነዳዲ ናይጀርያ: ኣብ ናይ 44 ዓመታት ታሪኹ: ንመጀመርታ ግዜኡ መኽሰብ ከም ዝረኸበ መንግስቲ ኣፍሊጡ።

እዚ ዓወት ብውሕሉል ኣታሕዛ መንግስቲ ዝተረኽበ እዩ ክብል ላዕለዋይ ሚኒስተር ነዳዲ ፕረዚደንት: መሓመድ ቡሃሪ: ገሊጹ’ሎ።

ኣብ 2020: መኽሰብ ሃገራዊ ኩባንያ ነዳዲ ናይጀርያ (NNPC) 700 ሚልዮን ዶላር በጺሑ ምንባሩ ይፍለጥ።

ቅድሚኡ ኣብ ዝነበራ ዓመታት ዓበይቲ ክሳራታት የጋጥሞ ምንባሩ እቲ ዜና ወሲኹ ሓቢሩ’ሎ።

ዓሚ ኣብ ዓለምና ብሰንኪ ለበዳ ኮቪድ-19 ብዝተኸስተ ምንቊልቋል ዋጋ ነዳዲ: ነቲ ኣብ ኣታዊ ነዳዲ ዝምርኮስ ቊጠባ ናይጀርያ ሃስያ ኣውሪድሉ እናሃለወ እቲ ኲባንያ ብኸመይ ክኸስብ ከም ዝኸኣለ ዛጊት ንጹር መብርሂ ኣይተዋህቦን።

መግለጺ ቡሃሪ: ዝወጽእ ዘሎ መንግስቲ ነቲ ኲባንያ ብምፍንጣሕ ናብ ናጻን ብሕጊ ንግድ ዝምራሕን ኩባንያን ክትክኦ ምዃኑ ድሕሪ ምፍላጡ እዩ።