ኬንያ: ሰፊሕ ምቚጻር እንስሳ ዘገዳም ተሳልጥ 

ኬንያ: ኣብ ዓለምና ዝሰፍሐ ምዃኑ እተነግረሉ ምቚጻር እንስሳ ዘገዳም ከም ዘሳለጠት ተገሊጹ።

ኣብ ኬንያ: ዓሌቶም ኣብ ሓደጋ ምጽናት ዝርከቡ ከምኒ ኣንበሳን ዘራፍን ዝመሰሉ እንስሳታት ከም ዝርከቡ ዝፍለጥ እዩ። ብዘይካዚ ኣብ ካልእ ዓለምና ዝጸነቱ ጽምዲ ጻዕዳ ኣውራሪስ ኣብ ኬንያ ኣለዉ።

ካብ ግዜ ናብ ግዜ ቆጸራ ሓደ ዓሌት እንስሳ ዘገዳም ነካይድ ኔርና ኢና። ሕጂ ግና ኣብ ምድሪን ማያትን ዘሎ ሃብቲ እንስሳ ዘገዳም ብምሉኦም ንቖጽሮም ኣለና ክብል ሓደ ክኢላ ገሊጹ።

እዚ ቆጸራ ኣብ ምስላጥ: ዕቀባ ሃብቲን ቱሪዝምን ኣገዳሲ ተራ ክጻወት ከም ዝኽእል እቲ ክኢላ ወሲኹ ገሊጹ’ሎ። ኬንያ: ኣሽሓት ዓሌታት እንስሳ ዘገዳም ዘለዉዋ ብብዝሓ ህይወት ሃብታም ሃገር ምስ ምዃና እዚ ብመንግስቲ ዝሳለጥ ዘሎ ቆጸራ ቀሊል ዕዮ ከም ዘይከውን ተገሊጹ።