ዜና

ዓብዪ ፋይናንሳዊ ጸገም ኣጓኒፍዎ ዘሎ መንገዲ ኣየር ስካንዲናቭያ ፡ ምስ ኤር ፍራንስ-ኬ ኤል ኤም፡ መንግስቲ ዴንማርክን ክልተ ናይ ወፍሪ ትካላትን ዝበዝሑ ሰብ ብርኪ ዝኾኑሉ ሓድሽ ኮንሶርትየም ዋንነት ኣዊጁ። መንገዲ ኣየር ስካንዲናቭያ ካብ ዝምስረት ንደሓር ንመጀመርታ ግዜ መንግስቲ ሽወደን ዝጸንሖ ክፋል ዋንነት ከብቅዕ እዩ ማለት እዩ። ወሃቢ ርእይቶ ቁጠባ ሬድዮ ሽወደን ክርስቲያን ኦስትሮም እዚ ስምምዕ ንህላወ እቲ መንገዲ ኣየር ኣድላዪ ምንባሩ …

ሚኒስተር ጉዳያት ወጻኢ ሽወደን ቶብያስ ቢልስትሮም ምስ ሚኒስተራት ጉዳያት ወጻኢ ሕብረት ኤውሮጳ ኣብ ኪየቭ ኣብ ዝካየድ ዋዕላ ሕብረት ኤውሮጳ ክሳተፍ እኳ እንተነበሮ፡ ፓስፖርቱ ብምርስዑ ኣብ ዶብ ፖላንድን ዩክሬንን ደው ምባሉ ተፈሊጡ። ሰብመዚ ዶባት ንቢልስትሮም ክሰግር ዘይምፍቃዶም ዲፕሎማስያውያን ምንጭታት ንጋዜጣ ኦስትርያ ዳይ ፕረሰ ሓቢሮም። በዚ ድማ ብሰንኪዚ ጌጋ ቢልስትሮም መዛንኡ ሚኒስተራት ጒዳያት ወጻኢ ናብታ ናብ ኪየቭ ን ሸሞንተ ሰዓታት እትኸይድ ባቡር …

ኣባላት ጒጅለታት ገበን ኮይኖም ዓመጽ ዝፍጽሙ ብዙሓት መንእሰያት መዐገሲ ቓንዛ ትራማዶል ይጥቀሙ ምህላዎም ፖሊስ ሓቢሮም። ኣብ ዮተቦሪ ኣብ ዝርከብ ሆስፒታል ዩኒቨርሲቲ ሳህልግረንስካ ዝርከብ ክኢላ መርዛም ባእታታት ካይ ክኑድሰን፡ ትራማዶል ነዞም ጎነጽ ዝፍጽሙ ኣባላት ጒጅለታት ገበን “ኣዝዩ ፍቱን ድራግ እዩ” ክብል ይገልጾ። እዚ ዝኾነሉ ምኽንያት “እቲ ክፍጽምዎ ዝእዘዙ ጎነጽ ንምክያድ ዘድሊ ምድንዛዝ ኣእምሮን ድፍረትን ስለዝህቦም እዩ” ክብል ወሲኹ ኣረዲኡ።  

መንግስቲ ሽወደን፥ ኲሎም መራሕቲ ሰልፍታት ን ዝመጽእ ሓሙስ 12 ጥቅምቲ ኣብ ኣኼባ ባይቶ ሃገራዊ ድሕነት ክሳተፉ ዓዲሙ። ፖሊስን ካልኦት ሰብመዚን ነዞም መራሕት ሰልፍታት ብዛዕባ ኣንጻር ገበናት ጕጅለታት ዝግበር ዘሎ ቃልሲ፥ ከምኡ’ውን ብዛዕባ ሕጋዊ እማመታት ኣመልኪቶም እዋናዊ ሓበሬታታት ክህብዎም እዮም። ብዘይካዚ እዞም ተሳተፍቲ ኣኼባ ዝኾኑ መራሕቲ ሰልፊታይ ናይ ባዕሎም እማመታት እውን ከቕርቡ ክኽእሉ እዮም። ቀዳማይ ሚኒስተር ኡልፍ ክሪስተርሾን ኣብ ዘቕረቦ ዕድመ፡ …

ካብ ዝመጽእ ሕዳር ጀሚሩ፡ እቲ ንፍቓድ ስራሕ ኹሎም ካብ ሕብረት ኤውሮጳ ወጻኢ ዝመጹ ሰራሕተኛታት ዘድሊ ዝተሓተ ወሰኽ ደሞዝ፥ ኣብ ግብሪ ክውዕል እዩ። ድሮ ኣብ ሽወደን ዝርከቡ ወነንቲ ፍቓድ ስራሕ፡ ናይ ስራሕ ግዜኦም ንምንዋሕ እንተወሓደ ኣብ ወርሒ 27,360 ክሮነር ክረኽቡ ከድልዮም እዩ። ሚኒስተር ስደተኛታት ማርያ ማልመር ስቴነጋድ፡ እቲ ለውጢ ኣብቶም ኣብ ሽወደን ዘለዉን ፍቓድ ስራሕ ከሐድሱ ዘይክእሉን ሰባት ”ዓብዪ ጽልዋ” ክህዎ …

ካታሊን ካሪኮን ድሩ ዋይስማንን፡ ኣብ ሕማም ኮቪድ-19 ውጽኢታዊ ክታበት mRNA ንምምዕባል ወሳኒ ምርምር ብምክያዶም ሽልማት ኖቤል ፊዚዮሎጂ–ሕክምና– ተሸሊሞም። ካሪኮ ካብ ሃንጋሪ ዝመጸ ባዮኬሚስት ክኸውን ከሎ፡ ዋይስማን ድማ ኣመሪካዊ ክኢላ ምክልኻል ሕማማት እዩ። ክልቲኦም ኣብ ዩኒቨርሲቲ ፔንስልቨንያ ኣብ ምርምር mRNA ብሓባር ብዝሰርሕዎ ዕዉት ምህዞ ነዚ ሽልማት በቒዖም ኣለዉ። ምርምሮም ”ኣብ እዋን ለበዳ ኮቪድ-19 ኣዝዩ ስሉጥ ክታበት” ንኽፈሪ ኣበርክቶ ከምዝገበረ፡ ዓመታዊ ነቲ …

ትካላት ኣባይቲ ምምሕዳራት ከተማ፡ ዘይሕጋዊ ንኡስ ክራይ ኣመልኪተን ንፖሊስ ይሕብራ ዘይምህላወን ብሬድዮ ሽወደን ዝተገብረ መጽናዕቲ ኣመልኪቱ። እቲ ጸገም ሕቶ ግዜን ጸጋን፡ ከምኡ'ውን ዘይሕጋውነት ንምርግጋጽ ኣሸጋሪ ካብ ምዃኑ ዝተላዕለ እዩ ክብሉ ወከልቲ እተን ኩባንያታት ይሕብሩ። እቲ ሕግታት ቅድሚ 4 ዓመት ኣቢሉ ዕዳጋ ክራይ ገዛ ንምምሕያሽ ተሪሩ እኳ እንተነበረ፡ ዓሚ ካብተን ነቲ መጽናዕቲ ዝመለሳ 26 ትካላት ኣባይቲ እተን 3 ጥራይ ናብ ፖሊስ …

ባይቶ ሃገራዊ ድሕነት ሽወደን፥ ትማሊ ሰኑይ፥ ምሉእ ብምሉእ ኣብታ ሃገር ኣብ ዝቕጽል ዘሎ ማዕበል ጎነጽ፡ መቕተልትን ምፍንጃርን ዘተኮረ ኣኼባ ኣካይዱ። ብዘይተለምደ ብዝሒ 12 ሚኒስተራት፣ ኮሚሽነር ሃገራዊ ፖሊስን ሓለፍቲ ሰራዊትን ከምኡ’ውን ኤጀንሲ ሲግናልስ ድሕነት ሽወደን ኤፍ.ኣር.ኤን ኣብቲ ኣኼባ ተረኺቦም። ሓለፍቲ ሰራዊትን ኤጀንሲ ሲግናልስ ድሕነት ሽወደን መንገስቲ ነዞም ጒጅለታት ገበን ብኸመይ ክገጥሞም ከም ዝግባእ ምኽሮም ሂቦም ኣለኡ። ኣማኻሪ ሃገራዊ ድሕነት ሄንሪክ ላንደርሆም …

ኣብ ሽወደን ብዝቕጽል ዘሎ ጎነጻዊ መጥቃዕቲታት ኣብ መፋርቕ ዕስራታት እትርከብ ጓል ኣንስተይቲ ትማሊ ኣብ መንበሪ ቤታ ብዝተፈጸመ ምፍንጃር ህይወታ ምሕላፋ ተሓቢሩ። ብዘይካዚ ኣብ ጆርድብሮ ስቶክሆልም ሓደ ሰብ ብጥይት ከም እተቐትለን ምስዚ ብዝተሓሓዝ ሰለስተ ሰባት ኣብ ትሕቲ ቀይዲ ምእታዎምን ተፈሊጡ። እዚ እናኾነ ኣብ መወዳእታ ዕድመ ኮትቴነት ዝርከብ ሓደ መንእሰይ ኣብ ስፖርታዊ ልምምድ እናሃለወ ብጥይት ተቐቲሉ’ሎ–ብመሰረት ጸባብ ሬድዮ ሽወደን።  

ካብ 10-20 % ካብቶም ኣብ ሽወደን ፍቓድ ስራሕ ረኺቦም ኣብ ሽቕለት ዝርከቡ ዜጋታት ኣውሮጳዊ ሕብረት ዘይኮኑ ሰባት ነቲ ኣብ ዝመጽእ ባሕቲ ሕዳር ጀሚሩ ዝተኣታቶ ሓድሽ ደረት ዝዳረግ ኣታዊ ኣይረኽቡን እዮም ዝብል ግምት ከም ዘለዎ ኤጀንሲ ሚግሬሽን ሽወደን ገሊጹ። ካብ ባሕቲ ሕዳር ኣትሒዙ እቶም ወርሓዊ ኣታዊኦም ልዕሊ 27,360 ክሮና ዝኾኑ ዜጋታት ሃገራት ኣውሮጳዊ ሕብረት ዘይኮኑን ፍቓድ ስራሕ ረኺቦም ክዓዩ ዝጸንሑ ሰባት …