ተዋሳኢት ጁልያ ሮበርትስ፡ ንመዋቲ ዳይረክተራ፡ ዘለዋ ክብሪ ትገልጽ

ዳይረክተር ፊልም፡ ሮጀር ሚሸል፡ ኣብ መበል 65 ዓመቱ፡ ትማሊ ምዕራፉ ምስተሰምዐ፡ ተዋሳኢት ጁልያ ራበርትስ ምስ ካልኦት ብምዃን ናይ ሓዘን ምብጻሕ ከም ዘካየደት ተገሊጹ።

ተዓዋቲት ኦስካር ዝኾነት፡ ጁልያ፡ ምስ ከም ሮጀር ዝመሰለ ሕያዋይን ልዙብን ሰብ ምስራሕ ክብሪ እዩ ድሕሪ ምባል “ኣብ ገጹ ፍሽኽታ ተፈልዩዎ ዘይፈልጥ” ብሉጽ ዳይረክተር ምንባሩ ገሊጻ።

ብዘይካ’ዚ፡ ተዋሳይ ሳም ኒል፡ “ተፈታዉ ሰብ” ክብል ብሞት ሮጀር እተሰምዖ ሓዘን ተኻፊሉ’ሎ። “Blackbird ትብል ፊልም ሰሪሕና ምስ ወዳእና፡ ኩላትና ተዋሳእቲን ኣባላትን፡ ኣብ ኣካላትና ምስሊ ዑፍ ምውቃጥና እዝክር…ንስድራ ቤቱ ድማ ጽንዓት ይሃብኩም እብል” ክብል፡ ኒል፡ ኣብ ግጽ ማሕበራዊ መራኸቢኡ ገሊጹ’ሎ።

ሚሸል፡ ኣቦ ኣርባዕተ ቆልዑን በዓል ሓዳርን እዩ ኔሩ።